Plánet vára

Gáivuona suohkanis leat earenoamáš hástalusat čadnon luonddudáhpáhusaide, stuora várreriđut, muohta, soavle- ja eanariđut. Dasa lassin manná E6 váldomáđidja suohkana čađa, mis leat guokte tunnela ja fargga boahtá goalmmát.

Gearggusvuođaplána lea vuosttáš lávki ráhkkanit dáhpáhusaide mat eai leat sávahahtti. Plána oktavuođas ferte organiseren ceggejuvvot ja iešguđet oasit dávjá hárjehallot.  Dat lea kvalitehta min mearrádusain mat mearridit bohtosa árvvoštallamin daguin ja gohččumin, meinnestuvvá go vai šaddá go katastrofa.

Loahpa loahpas lea gearggusvuođaplánen meannudit árvvuin ovttaskas indiviida, bargat servvodatsihkarvuođain go gearggusvuođas ferte leat ehtalaš vuođđu danne go mis olbmuin lea árvu ieš álddis seammás go leat hearkkit. 

Dieđiheapmi gearggusvuođajođiheapmái

Suohkandirektevra  / gearggusvuođajođiheapmi dieđiha dan vuođul maid politiijat dahje eará eiseválddit, juogo njuolga dahje suohkana gohcotelefovnna 412 80 000 bokte. Suohkandirektevra árvvoštallá dáhpáhusa viidodaga, jus lea dárbu de gohčču suohkana gearggusvuođajođiheami muđui suohkanis ja dárbbašlaš fágaolbmuid sihke suohkana siskkobealde ja olggobealde.

Buollin ja stuorat lihkohisvuođat – 110
Politiijai ja gádjunguovddážii – 112
Ambulánsa medisiinnalaš heahtetelefovdna - 113 

Suohkana gearggusvuođajođiheapmi

Stuorat lihkuhisvuođas, heađis dahje katastrofas sáhttá sátnejođiheaddji/ráđđeolmmái mearridit ahte gearggusvuođajođiheapmi ceggejuvvo. Gearggusvuođajođiheapmi Gáivuona suohkanis galget vuosttažettiin leat olbmot geat barget suohkanis, ja leat team geat ovttas galget dahkat dárbbašlaš árvvoštallamiid ja mearrádusaid heahtedilis. 

Gearggusvuođajođiheapmi suohkanis:

  • Sátnejođiheaddji / várresátnejođiheaddji Bernt Eirik Isaksen Lyngstad / Svein O. Leiros
  • Konstituerejuvvon suohkandirektevra  (Suohkanhoavda - biras, doaibma ja ovdánahttin) Gunn Andersen
  • Konstituerejuvvon veahkkegearggusvuođajođiheaddji / bálvaluskontuvrra jođiheaddji Greta Larsen
  • Konstituerejuvvon veahkkesuohkandirektevra Bjørn-Even Salamonsen
  • Suohkanhoavda - bajásšaddan Marina Olsen
  • Suohkanhoavda - dearvvasvuohta Linn Sylvi Steinnes
  • Gearggusvuođaráđđeaddi Viktoria Larsen (Karen Karlsen)

Eará "fágaolbmot" sohkanis dahje olggubealde suohkana geaidda orru dárbu: Omd.: GIS-kárta operatevrra, loggačálli ja diehtojuohkin/mediabargit.