Troms Kraft háliida iskat vejolašvuođa álggahit industriijain Davvi-Romssas

Troms Kraft háliida bovdet suohkaniid Davvi-Romssas ovttasbargui mas ulbmil lea iskat vejolašvuođa alidit fámu ja hydrogenaprodukšuvnna.  

Hydrogena ja ammoniahkka leat guovddážis davvi norgga maritiimma ealáhusa ja fievrridansuorggi nuppástusas. Nuppástus gáibiduvvo vai duhtadit boahtteáiggi luoitingáibádusaid.  Norgga rittuin leat ollu ođđa prošeavttat mas iskojuvvo mot hydrogena produkšuvdna ja distribušuvdna galgá ásahuvvot. Ovdalis diehtá juo ahte Troms Kraft lea plánen álggahan hydrogena/ammoniahka ráhkadusa Grøtsund hámman ja industriijaguovllus Romssa olggobealde.

- Mii háliidit iskat vejolašvuođa álggahit ođđa industriija Davvi-Rossas mas Ymber maid oasálastá doaibmaoasálažžan. Etablerejuvvon infrastruktuvra čáhcefámuin, lagasvuohta guovddáš fierpmádahkii ja potensiála eanet fápmobuvttadusain dahká ahte regiovdna heive bures hydrogenaprodukšuvdnii, mas boahtá šaddat stuorát dárbu boahtteáiggis. Mii háliidit de iskat vejolašvuođa álggahit bieggafápmodoaimmahaga Gáivuonas ja Návuonas mas lea čadnon hydrogenaprodukšuvdna regiovnnas, dadjá  Erling Dalberg konseardnadirektevra ovddasvástádusain industriijaálggahemiin Troms Kraft fitnodagas.  

Hydrogenaprodukšuvdna industriijalaččat boahtá leat investeren máŋgga miljovnnain ja buktá olu bargosajiid ja stuora gelbbolašvuođaloktema ealáhuseallimis Davi- Romssas. Boahtá maid loktet visot regiovnna ealáhusaid.

Bovde suohkaniid, boazodoalu ja eará berošteddjiid

Troms Kraft lea álggahan dialoga sátnejođiheddjiiguin Gáivuonas ja Návuonas ja bovden suohkaniid oasálastit guorahallamii. Omasvuona sátnejođiheaddji lea maid ožžon dieđu dutkamuša birra. Troms Kraft lea bovdejuvvon muitalit dutkamuša birra suohkanstivrras Gáivuona suohkanis geassemánu 17.b. ja Návuonas geassemánu 18.b.

Lea dehálaš dadjat ahte ovdagoddi ja suohkanstivra dušše galgá oaivvildit lea go vejolaš ovttasbargat dáinna vejolašvuođain. Ii leat dál sáhka dan birra galgá go vástidit juo dahje aa hydrogenii ja bieggafápmodoaimmahahkii. Mii sávvat ahte suohkan álggaha bargojoavkku mas leat relevántta berošteaddjit, dáinna lágiin sihkkarastit ahte buohkat ožžot vejolašvuođa dadjat iežaset meinnega dutkamušas, dadjá Dalberg.  

Gáivuona suohkanis lea ollugiin sámi duogáš, dat boahtá deattuhuvvot boahttevaš barggus. Troms Kraft lea juo álggahan dialoga Skárfvákki orohagain ja siskkit Gáivuona eanaeaiggádemiin. Návuonas lea váldojuvvon oktavuohta Áborášša orohagain. Dialoga joatkašuvvu ovddasguvlui. Maiddai eará berošteaddjit bohtet involverejuvvot barggus.  

- Midjiide lea áibbas dehálaš prošeavtta čađaheamis ahte gávdnat čovdosiid maiguin sihke sámi servodagat, eará báikkálaš olbmot ja ealáhusberošteaddjit sáhttit eallit. Dalle lea dehálaš involveret olbmuid árrat, ja leat dialogas prošeavtta álggaheamis gitta čađaheapmái, dadjá Dalberg.

Sihkkaris fápmolágideapmi ja ruoná nuppástus  

1800- logu loahpas álggii Troms Kraft elfápmoprodukšuvnnain mii attii čuovgga viesuide ja elfámu ealáhuseallimii. Fápmobuvttadus lea dan rájes leamašan stuora láidesteaddji industriija ja ealáhuseallima ovddideamis ja lea odne čoavdda dálkkádat mihttomeari ollašuhttimis. Troms Kraft boahtá leat dehálaš servodathuksejeaddji regiovnnas, ja sihkkarastit fápmolágideami maiddai boahtteáiggis. Vai ordnet saji hydrogenaprodukšuvdnii Davvi-Romssas šaddá ođđa bieggafápmobuvttadeapmi regiovnnas mearrideaddji.  

- Hydrogenaprodukšuvdna gáibida olu elfámu. Jus dát galgá ollašuvvat stuorat skalas, de fertet maiddai geahččat elfámubuvttadeami, ja nu maiddai bieggaresurssaid regiovnnas. Vai gokčat boahtteáigásaš energiijadárbbu fatnasiin ja rusttegiin Romssa hámmanis, de fertet produseret hydrogena/ ammoniahka seammasullasaččat go 6 TWd elfámu. Dát lea liikka olu go dála fápmobadjelbáza olles Davvi-Norggas. Čájehuvvo ahte boahtá šaddat gáibideaddji čađahit ruoná nuppástusa, muhto bargu ferte dáhkkojuvvot ja mii leat álgán juo. Galgat bargat dan maid sáhttit vai balanseret ođasmahtti elfámu dárbbu birrasa- ja servvodatovddasvástádusa vuostá, dadjá Dalberg.      

Jus suohkanat rahppet ovddasbargovejolašvuođa Troms Kraftain, de boahtá dutkamušbargu álgit dákkaviđe maŋŋel geasseluomu.    

Troms Kraft konseardna birra:  

Troms Kraft lea almmolaš eaiggáduvvon elfápmokonseardna, mii produsere, distribuere ja vuovdá elfámu 100% ođasmahtti energiijagálduin. Fitnodaga oamasteaddjit leat Troms Holding AS ja Romssa suohkan. Fitnodaga badjelbáza lea buorrin Romssa báikegottiide.  

Oktavuođaolbmot
Konseardnadirektevra Erling Dalberg, mobiila: 908 80 022
Direktevra servvodatoktavuođas  Stein-Gunnar Bondevik, mobiila 974 08 801