Go ollu bálvalusat galget ovttasbargat mot buoridit mánáid ja nuoraid eallindili , de soaitá muhtumin leamen eahpečielggas sidjiide geaidda gusto diehtit mot manná áššiin, ja geainna galget váldit oktavuođa jus leat gažaldagat.

Ovdal leat iešguđetge olbmot iešguđetge ásahusain suohkanis ferten geavahit ollu návccaid koordinerenbarggus, nu go omd. dearvvašvuođa buohccedivššárat. Go mánáidkoordináhtor dál lea sajis, de váldá son bádjalasat praktihkalaš doaimmaid. Doaimmat sáhttet leat earret eará váldit oktavuođa bearrašiiguin, bovdet čoahkkimiidda, doalahit áigemeriid ja sihkkarastit progrešuvnna áššiiguin jnv. Muhtumin soaitá maid leamen nu, ahte geavaheaddjit / pasieanttat bivdet eará olbmo doaibmat koordináhtorin, ja dan ferte dieđusge árvvusatnit.

Maid mearkkaša mánáidkoordináhtor Gáivuona suohkana ássiide?

Go suohkanis lea dihto mánáidkoordináhtor, de galgá leamen álkibut mánáide, nuoraide ja bearrašiidda oažžut rivttes veahki jođáneappot. Koordináhtor galgá doaibmat oktavuođaolbmon sihke ássiide ja suohkana bálvalusaide, ja fuolahit ahte buohkat ožžot rivttes veahki rivttes áigge.

Mánáidkoordináhtor galgá ovddemusat fuolahit ahte ásahusat nagodit veahkehit mánáid ja nuoraid rivttes ja buoremus ládje, lea erenomáš dehálaš hástaleaddji áššiin. Koordináhtoriin sáhttá maid váldit oktavuođa jus dárbbaša rávvagiid ja bagadusa rivttiid, láhkaortnegiid birra jnv.

Mánáidkoordináhtor galgá ovttas suohkana fágaolbmuiguin fuolahit ahte mánná sihke oidno ja gullo, ja ahte oažžu veahki áššiin mat gustojit sutnje.

Dás beasat lohkat eanet mánáidkoordináhtora doaimmaid birra 

Dás vuolábealde gávnnat mánáidkoordináhtora oktavuođadieđuid:

Mattis Bårnes

Gáivuona suohkana mánáidkoordináhtor

Mattis Bårnes (Deaddil nammii, ja de ihtá mailačujuhus)

Kantuvrabáiki: Ráđđeviessu, Øverveien 2, 9146 Dálusvággi (2.geardi)

Telefovdna: 41514691