Álgu I (Sámegiela álgogursa) giđđat 2011

Sámi giellaguovddáš lágida ovttasráđiid Sámi allaskuvllain sámegiela álgogurssa mas oahppit ožžot oahppočuoggáid. Gurssas šaddet leat 180 diimmut masa oahpaheaddji searvá, ja sullii 120 diimmu mas oahppit ieža galget okto dahje gaskaneaset oahpahallat. Gursa álgá Olmmáivákkis njukčamánu 7. b. 2011. Oahppit eai dárbbaš máksit gursadivada, muhto sii fertejit máksit oahpponeavvuid ee. Giđđat 2011 oahpaheapmi lea vahkkuid 10, 11, 14, 15, 18 ja 19. Njálmmálaš eksámen lágiduvvo vahkku 19 ovttasráđiid Sámi allaskuvllain.

Gursa addá 15 oahppočuoggá ja šaddá vuođđun joatkit Álgu II kurssain. Sámi giellaguovddáš lágida gurssa čakčat 2011, ja datge gurssa addá oahppái 15 oahppočuoggá go son lea čađahan njálmmálaš eksámena.

Gáivuona suohkana bargit sáhttet ohcat bálkáhuvvon virgelobi searvat sámegiela gursii. Váhnemiidda, geain lea sámegiela oahpahalli mánná mánáidgárddis ja vuođđoskuvllas, lea vejolaš ohcat doarjaga Gáivuona suohkanis searvat sámegiela gursii. Gáivuonahat sáhttet ohcat sámegiela oahppostipeandda. Eanet dieđuid addá Inger Åsli, tlf. 77 71 92 32.

Dieđihanáigemearri: 28.2.2011.

Mii lágidit gurssaid ovttasráđiid Sámi Oahppolávdegottiin. Gurssat álggahuvvojit jus leat doarvái oasseváldit. Dieđit Sámi giellaguovddážit tlf. 77 71 93 80 dehe e-boasta spraksenteret@kafjord.kommune.no