Ođđaáigásaš ja báras "krim" maid Kari Hotakainen, Davviriikkaid girjjálašvuođá bálkkášumi vuoiti, lea čállán.

Aktonas ja bargosorjjavaš guorahalli Mokka deaivvada Burrodat ja Lagasvuohta O/S fitnodaga eaiggádiin Leila Korhoneniin guhte lea gávdnan iežas saji "caggasan" boaitobeal báikkiid suopmelaččaid gaskii.

Utradisjonell krim av ypperste klasse fra Kari Hotakainen, tidligere vinner av Nordisk litteraturpris.

Den ensomme og arbeidsnarkomane etterforskeren Mokka møter Leila Korhonen, eier av firmaet Ømhet og Nærhet A/S, som har funnet sin nisje blant hemmede finner fra landsbygda. Sentralt i handlinga står også Harry, kunden som hevder å alltid ha rett. Romanen ”De skjødesløse” kom på vårt bestselgerabonnement for februar.

Andre nye bøker fra bestselgerabonnementet er ” I den skogen” av Harlan Coban og ”Til mine døtre” av Elisabeth Noble. Sistnevnte står bak en av fjorårets bestselgere, ”Lesesirkelen”. Utover våren venter vi inn nyheter av forfattere som Åke Edwardsson, Indridason Arnaldur, Mary Higgins Clark, Åsa Larsson, Wilbur Smith, Arto Paasilinna og John Grisham.

Bottoža maŋŋil mii fas leat gergosat vahkkofálaldagain. Vuosttamuš girji maid mii čalmmustahttit jagi 2009, lea antologiija man namma lea Jienahemiid jietna", maid Kjell Olaf Jensen lea redigeren ja mas Jonas Gahr Støre lea čállán ovdasáni. Oasálaš čállin leat logis, guđet buohkat lea vásihan doarrádallojumi iežaset eatnamiin, ja geavahit friddjabáikefierpmádaga. Norggas mis leat odne 10 dakkár friddjabáikki, ee. Romssa gávpot, mas Easterine Iralu dál orru, guhte lea Nagaeatnamis eret, eatnamis mii lea India ja Burma rájá alde.

Dán vahku Borghild Robertsena "Den Gud vil bevare, er uten all fare" nammasaš girji lea badjin dan listtus mii čájeha eanemusat vuvdojuvvon girjjiid Romssa gávpoga girjegávppiin. Dušše dakkár beakkán čálliid girjjit go Saabye Christensena, Stieg Larssona ja Khaled Hossaini girjjit leat vuvdojuvvon stuorit logus. Robertsen lea ilbmadan lokkiide bures heivvolaš autobiografiija. Dan girjji čálli lea gudnin namahan iežas bearrašii ja maŋisbohttiide, muhto dat beroštahttá ollu eanet olbmuid go duššefal lagaš olbmuid.

Borghild Robertsen riegádii geasset 1930 Olmmáivággái. Girjji ovddit oassi muitala su bajásšaddamis Gáivuonas ja bahás bággofárreheami birra soađi áiggi. Máŋga cukcasa hávskkuhit lohkki, ja mii beassat girjjis oahppašuvvat máŋggain gili daláš olbmuin sin stohkosiin, bargguin, buohcuvuođain ja geasseorohagain. Maŋŋil son fárre Ráisii, ja lohkkit besset diehtit rávesolbmo dakkár eallimis mas ledje ollu rahčamušat ja hástalusat. Robertsenis lea nana ja persovnnalaš osku Ipmilii, ja dat vuhtto miehtá girjji. Son deattuha nieguid árvvu, ja dálkkodeddjiid ja suodjaleaddji eŋgeliid árvvu. Girjji son lea čállán bures, ja das leat dievva čáppa govat, ja danne girjjis lea báikegotti historjjá dáfus stuorra árvu.

"Den Gud vil bevare, er uten all fare" lea luoikamassii Dálošvákki girjerájus ja dan vuollásaš girjerájus Olmmáivákkis, muhto olbmot sáhttet dan luoikkahit girjebusses maid.

Hálidivččetgo boahtte lieggariikkamátkkistat dárjudeddjiid ballástahttit mottiin spánskkagiel sániin? De sáhtálit girjerájus fitnat luoikkahit spánskagiela CD-kurssa. Rájadettiin sarridiid, vuojedettiin biillain jna. oahpat sániid ja cealkagiid. Leat máŋga vejolašvuođa.

Jus spánskkagiella ii leat du miela mielde, de leat mis maid itália, sámi, duiskka, ránskka ja ruošša álgokurssat. Eŋgelasgiela kurssa easkkaálgiid ja joatkkaohppiid várás leat mii diggon girjerádjui, ja mis lea maid suomagiela kursa dihtor-CD skearrus. Gávdnojit mis maid boarráset kaseahtta-kurssat ja sátnegirjjit leat mis valjis.

Duorastaga suoidnemánu 10. b. Riddu Riđu festiválagirjerádju ávvuda Idar Kristiansena čállima ja dán aktavuođas almmuhuvvo golmmagielat čálligihpa ja Kaisa Maliniemi Lindbach áigu logaldallat. Dássážii sáhttá leahtit vuogas lohkat (maid eanet dahe ođđasit) dán dovddus Gáivuona girječálli girjjiid. "Svanevinger i nord" almmuhuvvui jagi 1978 ja lea vuosttaš girji njealji romána "Kornet og fiskene" nammasaš ráiddus. Románaráidduin Kristiansen šattai dovvdusin girječállin muhto girjjiid maid árvvoštalle kritihkalaččat davvinorgga dalááiggis. Govva lea "Havlandet" filmmas ja vuosiha Stein Bjørn "Heikki" nammasaš váldorollas.

Balatgo geasi guhkes vuodjinmátkkis Mearrabađaluktii? Bija jietnagirjji čuodjat. Unnaraččaide mátki šaddá suohtas Luddiin, ruoŧa humorgirjjiin masa álo liikojit. Iskka mat min ođđaseamos jietnagijjid mat mannan vahku leat boahtán girjerádjui.

Mánáide: Ludde, Taekwondo er tøffest!, Kaptein Puma - den gule planet ja Sirkus Mikkelikski
Nuoraide: Grusom spådom og Frøken Detektiv - Falske toner
Rávesolbmuide: Jenta som lekte med ilden, Hodejegerne, Frøken Smillas fornemmelse for snø, Mannen som elsket Yngve ja Brødrene Karamasov

Päivi Laakso boahtá Baaski-festiválii mii lea Ráissas suoidnemánu álggus, ja son lea duođašteddjiid mielde logaldallin dego "dollarišša". Maŋŋilgo leat lohkan su románaid, dat gal orru jáhkehahttin. "Jeg elsker sol" girjjis 2001:s son muitala iežas bajásšaddamis Duortnosleagis. "Sanatorium", 2003, girjjis mii čuovvut su mátkkis viidáseappot. Govvádus lea ain iešbiográfalaš (?), leaikkastalli ja veahaš jierpmeheapmi, muhto teaksta lea buoret čatnojuvvon aktii go vuosttaš girjjis. Oččubehtet roahkka goappašiid girjjiid lohkat.
Laakso lea máŋggabealat dáiddár ja maŋimuš jagiid sus leat leamaš máŋga vuosehusa ja loaiddastusa.

Suohtas girji unnoraččaide goruda ipmašiid birra. Logadettiin dán girjji beasat diehtit govt biebmu beassá čoavjái ja iežá áššiid maid imastivččet. "Kroppen" lea girji maid mánát hálidit lohkat ođđasit aht` ođđasit. Čálli ja govvideaddji, Birte Svatun ja Muriel Sandberg, leaba guktot buori barggu dahkan, muhto unnoraččat hálidežžet ovddimustá govaid geahčadit ja daid birra sárdnut. Girji lea almmuhuvvon ráiddus "Jeg vil vite!", kunnskapsbøker for førskole- og småskolebarn". Jus dus leat gažaldagat iežá fáttáin go gorudis, de girjerájus soaitá leat girji dutnje maid, agis beroškeahttá. Sáhttá leat govvemis, kompostemis, mearrarievváriid birra, morššas dahe soaittát áigut njálgga mállása vuoššat muhto váilo čilgehus dasa..