Gáivuona girjerádju bovde deaivvadeapmái girječálliin Mona Mörtlundain, disdaga 9.10 bie. 18.00.
Son áigu muitalit govt lea čállit Meängillii, ja áiguge lohkat divttaidis.
Mona Mörtlund lea oahppan ovdaskovlaoahpaheaddji. Mánáidgárdebarggustis son movttiidii čálligoahtit. Son váillahii oahpponeavvuid ovdaskovlla mánáid várás meängillii, ja dan boađus lei su vuosttáš girji "Moron, moron, ostaks' poron" maid almmuhii ovttas Monica Johanssoniin. Girjjis leat hoahkamat, lávlagat ja stohkosat meängillii.
Girji lea muhtun mu bargguin mas mon lean eanemus rámis ja girji lea ain anus sihke ovdaskovllain ja skovllain, Mona dadjá.
Durdnosleagi suomagiella dahje meänkieli lea ovdánan suomagielat davvikalohtas mii ain lei Ruoŧas Suoma soađi maŋŋa. Meänkieli mearkkaša «giellamet». Wikipedia
