Giellasiida/Sámi giellaguovddáš ja UiT – Norgga árktalaš universitehta lágidit ovttasráđiid davvisámegiela joatkkagurssa (SAM-1034 Lytting og munlig kommunikasjon) mii álgá čakčamánus jagi 2019. Kursa lea Davvi Álbmogiid guovddážis, Olmmáivákkis, jus doarvái olbmot dieđihit iežaset gursii. Oahpahusmálle leat čoahkkaneamit.

Loga eanet dás:

https://uit.no/studietilbud/emner/emne?p_document_id=370570

 

Jus áiggut eksámena čađahit vai oažžut 10 lohkančuoggá, de ferte UiT Norgga árktalaš universitehta vuos leat dohkkehan du studeantan. Don ozat alccesat dohkkehusa lohkat bođu fáttáid (9199 bođu fáttá, eai realfágat). Ohcanáigemearri lea geassemánu 1. b! Du ohcan ii geatnegahte eksámena váldit.

 

Elektronalaš ohcan gávnnat dás:

https://uit.no/utdanning/opptak

 

Gáivuona suohkana bargit sáhttet ohcat bálkáhuvvon lohkanvirgelobi. Váhnemat geain lea mánná sámi mánáidgárddis dahe skuvllas, demeansa-váhnemiid lagašolbmot (várašumiin ahte njuolggadusat dohkkehuvvojit) ja iežát geat orrot suohkanis sáhttet ohcat iežáge stipeandaortnegii. Mii lágidit kurssa ovttasráđiid Sámi oahppolihtuin.

Eanet dieđuid addá Astrid Solhaug ja son vuostáiváldá maid kursadieđiheami, astrid.solhaug@kafjord.kommune.no, tlf. 40093324. Inger M. Åsli addá dieđuid suohkana doarjjaortnegiin: inger.marie.asli@kafjord.kommune.no