Giellasiiddas álggahuvvo sámegiel vierisgielgursa, álgogursa 1, giđđat 2020. Gursa lea 200 diibmosaš mas ii gáibiduvvo makkár ge ovdalašmáhttu. Gursa lágiduvvo ovttasráđiid Uit Norgga árktalaš universitehtain, nu ahte lea vejolaš váldit eksámena Uit bokte.

Loga eambbo oahppofálaldaga birra, SAM 1031 dás:

http://kursa.oahpa.no/

Jus áiggut eksámena váldit vai oažžut 20 oahppočuoggá, de ferte UiT Norgga árktalaš universitehta vuos leat dohkkehan du studeantan. Don ozat alccesat dohkkehusa lohkat sierra gurssa (9199 sierra gursa, ii reálafága). Ohcanáigemearri lea juovlamánu 1. b 2019, muhto ohcan ii geatnegahte eksámena váldit.

Lohkanbaji álgimis fertet máksit lohkanbadjedivada (500 r.) ja dieđihit alccet oahpahussii ja eksámenii SAM 1031 Davvisámegiella vierisgiellan: álgogursa 1. Áigemearri dieđihit eksámenii lea maŋimustá guovvamánu 1.b 2020.

Don fertet ohcat elektruvnnalaččat. Eanet dieđuid gávnnat dás: http://kursa.oahpa.no/studeanttaide/som-uit-student/ 

Gursaálgu: ođđajagimánu/guovvamánu Olmmáivákkis.

Don fertet maid addit dieđu Giellasiidi ahte álggat gursii.

Eanet dieđut ja dieđiheapmi:

giellasiida@kafjord.kommune.no dahje siri.janne.koht@kafjord.kommune.no, tlf 77 71 93 80

Gáivuona suohkana bargit sáhttet ohcat bálkáhuvvon lohkanvirgelobi.

Eaktun oažžut doarjaga Sámedikkis: Váhnemat geain leat mánát mánáidgárddis dahje lea sámegiella vuođđoskuvlla fágabirrasis, demeansa-váhnemiid lagašolbmot (várašumiin ahte njuolggadusat dohkkehuvvojit) sáhttit ohcat Gáivuona suohkanis bálkáhuvvon lohkanvirgelobi gursii. Juolluduvvo lagabui 5000 r. stipeandan ohcciide geat leat álbmotregistrerejuvvon suohkanis já váldet oahppočuoggáid. Váldde oktavuođa Inger M. Åsli tlf. 77719232, dahje inger.marie.asli@kafjord.kommune.no