Ulbmil doarjjaortnegiin lea ahte álbmogis lea vejolašvuohta oahppat ja ovddidit sámegiela.

Rabas ohcanáigemearri: Doarjjaortnegis lea rabas ohcanáigemearri skábmamánu 1. beaivvi rádjái.

Ohcamat meannuduvvojit dađistaga go bohtet. Áššemeannudanáigi lea sullii 2 mánu.

Dása sáhtát oažžut doarjaga:

  • Ráhkadit ja/dahje jorgalit sámegillii giellaapplikašuvnnaid ja spealuid mánáide ja nuoraide.
  • Sámegielkurssat rávisolbmuide.
  • Lohkan- ja čállinveahkkeortnegat sámegielagiidda.
  • Váikkuhit Biibbala jorgaleami lulli- ja julevsámegielaide.
  • Giellaovddidandoaibmabijut sámi giellaguovddážiidda mat ovdal leat ožžon ásahandoarjaga.
  • Sámi báikenamaid čohkken ja gaskkusteapmi.
  • Sátnegirjjiid ráhkadeapmi sámegielain, earenoamážit vuoruhuvvojit digitála čovdosat.
  • Terminologiijaprošeavttat main ulbmil lea ásahit ođđa tearpmaid dahje ealáskahttit boares tearpmaid.
  • Váikkuhit dan ahte sámi mediafálaldagaide, mat leat ásahuvvomin, bohtet ovddidanprošeavttat dassážii go šaddet dássedis doarjjaortnegat.
  • Gielladikšundoaibmabijut ja buorit giellaarenat
  • Hábmet modeallaid vai ovtta regiovnna giellaresurssat ovttasráđiid sáhttet buoridit giellaoahpahusa.
  • Sámegieldoaimmat sámi giellavahkku 2020 oktavuođas.

Gii sáhttá ohcat:

  • Almmolaš ja priváhta organisašuvnnat/ásahusat/fitnodagat
  • Sámi giellaguovddážat mat ožžot njuolggodoarjaga Sámedikki bušeahtta bokte, eai sáhte oažžut doarjaga dán doarjjaortnegis. Spiehkasteapmi lea:
    • Sámi giellaguovddážat julev-, lulli- ja márkosámi guovlluin sáhttet ohcat doarjaga vuoruheamis “Gielladikšundoaibmabijut ja buorit giellaarenat”  ja "Ovddidit málliid vai giellaresurssat mat leat guovllus oktiibuot sáhttet váikkuhit giellaoahpahusa".
  • Giellaguovddážat mat juo leat ásaheame vuolde ja leat ožžon dasa doarjaga, sáhttet ohcat. Ii addo doarjja ođđa giellaguovddážiid ásaheapmái.
  • Fitnodagat, ásahusat ja organisašuvnnat mat ožžot doarjaga, galget leat registrerejuvvon Norgga Ovttadatregistarii.

Ná olu sáhtát oažžut doarjaga:

  • Eanemus doarjja maid sáhtát oažžut lea kr 300 000 rádjái.
  • Eanemus doarjja sámegieldoaimmaide sámi giellavahkku 2020 oktavuođas lea kr 40 000 rádjái.

Čuovvovaš mildosat galget leat ohcama mielde:

  • Prošeaktačilgehus mas leat čuovvovaš čuoggát:
    • Prošeavtta áigumuš oassemihttuiguin
    • Ulbmiljoavku
    • Ohcama vuođustus
    • Fágalaš sisdoallu
    • Čilgehus prošeavtta čađaheapmái oktan ovdánanplánain ja vejolaš muttuiguin
    • Prošeavtta čađahahttivuohta /riskoárvvoštallan
    • Mot prošeakta lea vuođđuduvvon geavaheddjiid sávaldagaide ja servodaga dárbbuide
    • Čilgehus mot prošeavtta váikkuhus lea boahtteáigái maŋŋel prošeaktaáigodaga
    • Čilgehus mot prošeavttas váldo vuhtii dásseárvoperspektiiva
    • Čilgehus mot prošeaktaboađus galgá almmuhuvvot/ilbmaduvvot
    • Vejolaš ovttasbargoguoimmit
    • Leat go vejolaš eará ruhtadeaddjit meannudan doarjjaohcama ja juolludan doarjaga
  • Soahpamuš applikašuvnnaid vuoigatvuođaoamasteddjiin (guoská ohcamii applikašuvnnaid heiveheami oktavuođas).

Eambbo dieđut doarjjaortnega eavttuid birra:
Geahča Sámi giellaprošeavttaid doarjjanjuolggadusaid.

Gulahallanolbmot:
Anne Marit Triumf +47 78 48 42 11 ja Siv Marit R. Eira +47 78 47 40 72

Eanet diedut gávnnat das