Gáivuona suohkan lea jagi 1992 rájes gullán sámegiela hálddašanguvlui. Maŋimuš jagiid lea leamašan positiivvalaš ovdánahttin sámi kultuvrra čalmmustahttimis ja ealáskahttimis. Sámegiela geavaheami ektui lea mannan maŋosguvlui go sámegiella unnán gullo ja oidno almmolaš lanjain ja suohkanlaš doaimmahagain.
Suohkana sávaldat lea oažžut vástadusaid makkár vásahusat Gáivuona olbmuin leat sámi bálvalusfálaldagaid ektui, vai buoridit dahje heivehit fálaldagaid ja ollašuhttit dárbbuid maid suohkan odne ii govčča.
Áiggit ja báikkit:
Davvi álbmogiid guovddážis, Olmmáivákkis: Geassemánu 8.b. bie. 18:00- 20:00
Rukses Ruosa viesus, Biertaváris: Geassemánu 9.b. bie. 18:00- 20:00
Gáivuona kulturguovddážis, Dálusvákkis: Geassemánu 10. b. bie. 18:00- 20:00
Čoahkkimiid sisdoallu:
- Dieđut sámegiela evaluerema birra Gáivuonas.
- Sámegiela stáhtus Gáivuonas
- Maid čalmmustuhttit geavaheaddjiiskkademiin mat leat čađahuvvon mánáidgárddiin, skuvllain, ja maid dearvvasvuođas ja hálddahusas?
- Oaiviladdimat álbmotčoahkkimiin dárbbuid ja doaimmaid ektui.
- Govt ovddasguvlui bargat.
Olbmot geat servet čoahkkimiidda fertejit čuovvut COVID- 19 njoammunsuodjalusa njuolggadusaid.
Bures boahtin!
