Gáivuona suohkan lea guhkkin davvin, gos lea dušše oanehis gaskkaš čiekŋaleamos vuona ja ceaggoseamos gáissi gaskkas, siseatnama ja rittu gaskka, gos leabbájit viiddis duoddarat, ja gos geavlosáiddit duldet vuonas. Suohkan lea Ivguvuona beaivvi bealde; gos skábma oktan giđđudeaddji guovssahasaiguin gávnnada čuovgadeamos geasseijaiguin. Čevllohallat go mii leat hutkás kultursuohkan, man ruohttasat leat čiekŋalasas golmma čearddas, kvenain, sámiin ja dáččain.

Suohkanis leat sulaid 2110 ássi. Dálusvággi lea suohkana hálddahusbáiki. Gáivuona suohkan lea huksen fibera buot dállodoaluide, ja mii leat árvvusadnon eamiálbmotfestivála Riddu Riđu Isitsuohkan. Mii leat alimus turismma jiellatmátkeguovlu, ja bidjat searaid fysalaš aktivitehtaide dego bures ráhkaduvvon vázzin- ja sihkkelastinbálgáide ja maiddái mohtorfievromáđiijaide.

Suohkanis leat ortnegat, govt vuolidit vearuid ja njeaidit oahppoloana árvvu. Gáivuona suohkan gullá sámegielat hálddahusguvlui. Mii leat suohkan, mii bidjá roahkkadit searaid dalle go earát mahkaluššet. Leage positiiva ja searvva minguin! “

RABAS PEDAGOGAVIRGGIT MÁNÁIDGÁRDDIIN

Mis leat čuovvovaš rabas virggit:

ID 217- 100% virgi mánáidgárdeoahpaheaddjin Dálusvákki skuvllas- Sadjásašvirgi borgemánu 8.b. 2020 gitta cuoŋománu 4.b. 2021 mas lea vejolaš oažžut bistevaš virggi jus virgeeaiggádat ii álgge fas.

ID 218- 100% virgi pedagogalaš jođiheaddjin Goržži mánáidgárddis - Mii lea bistevaš virgi čakčamánu 1.b. 2020. Goržži mánáidgárdi lea sámi mánáidgárdi.

Pedagogalaš jođiheaddji galgá jođihit ja organiseret doaimmaid 0-6 jahkásaš mánáide nu go čilgejuvvo rámmaplánain. Pedagogalaš jođiheaddji lea ossodaga jođiheaddji, ja mánáidgárdeoahpaheaddji bargá pedagogan ossodagas, muhto jođihuvvo pedagogalaš jođiheaddjis.

Kvalifikašuvdnagáibádusat virggiide: Mánáidgárdeoahpaheaddjeoahppu dahje eará golmmajahkásaš pedagogalaš oahppu allaskuvla dásis mas lea joatkkaoahppu mánáidgárdepedagogihkas. Relevánta práksis ja sámegiela gelbbolašvuohta deattuhuvvo. Sámi mánáidgárddis gáibiduvvo, ahte ohccis lea sámegiela gielalaš gelbbolašvuohta sihke čálalaččat.

Mii deattuhit dárogielmáhtu C1/C2 dásis, stáđisvuođa, buriid ovttasbargonávccaid, bargui guoskevaš bargohárjáneami ja maid dan ahte čájehat beroštumi ja máhtát mearrádusaid dahkat. Son geasa virgi fállojuvvo ferte buktit politiijaduođaštusa ovdal go álgá virgái. Dat guoská virggiide main bargá mánáiguin.

Jus eai boađe ohccit geain lea dohkkehuvvon oahppu, de sáhttit árvvoštallat virgádit ohcciid geain lea bargoguoskevaš oahppu/hárjaheapmi gaskaboddosaš virgái.Studeanttat geat váldet mánáidgárdeoahpaheaddjeoahpu leat bures bohtimat ohcat.

Gulahallanolbmot leat jođiheaddjit:

Dálusvákki mánáidgárdi Tone-Mette Johansen tlf. 938 86138

Goržži mánáidgárdi Isabell Warsla tlf. 966 23431

Mii sáhttit fállát: 

480000,-r.- 530000,-r. bálkán ped. jođiheddjiide geain lea dohkkehuvvon oahppu.

Ped. jođiheaddjis lea jahkásaččat 20.000 r,- jođiheaddjilasáhussan vuođđobálkká lassin.

Virgáibiddjon olbmuin geain lea sierralohpi lagabui jagi ožžot gaskkal 410000r ,-r. - 505000 ,-r. Dasa lassin ožžot 20000,-r. ped. jođiheaddji lasáhusa jus leat pedagogalaš jođiheaddjit.

Sii geat devdet oahppogáibádusaid ožžot bálkká 6 jahkásaš virgejagiid mielde dábálaš virgeagiidrehkenastimii lassin.

Mii sáhttit veahkehit gávdnat mánáidgárdesaji ja viesu.

Suohkanis lea oahppoloana sihkkuortnet nu ahte lea vejolaš sihkkut 25000,-r. jahkásaččat ja vuoliduvvon vearru.

Dáppe leat buorit čohkkamátkke vejolašvuođat, merkejuvvon  tuvraláhtut, mohtorgielkáláhtut ja aktivitehtavejolašvuođat vuonas.

Dasa lassin leat buorit penšuvdnaortnegat ja seniordoaimmat.

Virggiide gustojit:

Eanet dieđuid virggiin addá maid bálká- ja bargoveahkakontuvra, tlf 777 19216/212/217.

Dábálaččat mii bovdet ohcciid bargojearahallamii. Dat guoská buot virggiide. 

Penšunortnegii lea bákkolaš miellahttuvuohta.

Virgenammadeapmi čuovvu gustovaš lágaid, njuolggadusaid ja soahpamušaid.

Mii eat siđa almmuhusvuvdiid váldit aktavuođa midjiide/minnjesiidda.

Árvvoštallamis váldojuvvojit vuhtii ohcciid duođaštuvvon oahppu ja bargohárjáneapmi.  Duođaštusaid sihtat ohcci buktit midjiide easkka go searvá jearahallamii.                                 Mii eat máhcat bargoohcamii gullevaš báhporiid/duođaštusaid ohccái.

Mii ávžžuhit din elektronalaččat ohcat. Oza elektronalaččat dás:

https://skjema.kf.no/more/wizard/wizard.jsp?wizardid=1688&ouref=1940

 

DEHÁLAŠ:

Sii geat ohcet elektronalaččat, fertejit dihto osiide čállit iežaset relevánta oahpu ja bargohárjáneami, ja fertejit maid lasihit CV:a ohcamuššii. Muitte dan ahte ohcamušas ovdanbuvttát iežat ohccin sihke bargoaddái ja luohttámušolbmuide.

Eat šat čuoldde ohcciid namaid almmolašvuođas das rájis go almmuhit virggi ohcanláhkái dássážii go áigemearri dievvá. Dat mielddisbuktá dan ahte ohcci namma ja dat virgi masa son lea ohcan almmuhuvvojit boastalistui.

Ohcamuš ja CV sáddejuvvojit Gáivuona suohkanii dan čujuhussii: Boastaboksa 74, 9148 Olderdalen dahe šleađgaboastan dása: postmottak@kafjord.kommune.no

Ohcanáigemearri borgemánu 8.b. 2020

 

Suohkandirektevra