Vahkkosaččat leat dáhpáhusat gos buohccit skuvihit vuordinlanjaide ja doaktárdiimmuide vaikko leat vuoiŋŋahatbuohcci dávdamearkkat, muhto dađi bahábut maiddai dohko gos buohccit ain leat erremis covid-19 geažil.
Vuordinlatnja doaktárkantuvrras lea unni ja dohko galget buohccit čáhkat juohke agis ja iešguđetge hearkkes dillis sihke čakčanuorvvu ja vearrámusat covid-19 geažil. Mii leat unnán bargit ja šaddá váttis jus oallugat mis leat buozalmasjávkamis.
Jus leat nuorvvodávdamearkkat
Jus leat nuorvvodávdamearkkat, de galggat rievtti mielde maŋidit doaktárdiimmu beaivvi maŋŋel go eai leat šat dávdamearkkat.
Jus dárbbašat doaktárdiimmu vaikko leat nuorvodávdamearkkat, de dárbbašit ovddalgihtii diehtit dan birra vai beasat vuoiŋŋahatbuohcci klinihkkii. Dát lea vaikko it boađe nuorvodávdamearkkaid geažil.
Dalle garvit njoammuma vuordinlatnjii ja bargit eai dárbbaš njoammuduvvot gosahahkii. Doaktárkantuvrras eai lea nu olu bargit ja pandemiija sáhttá dagahit buozalmasjávkama.
Go leat erremis
Jus leat leamaš olgoriikkas maŋimus 10 beavvi, de galggat leat erremis jus riikka gos boađat lea ruoksat. Dus lea geatnegasvuohta čuovvut mielde dás ja lea vuođđuduvvon láhkii.
Jus lea negatiiva covid-19 iskkus dus, de lea aŋkke errengeatnegasvuohta 10 beaivvi go covid-19 ii ovddiduvvo ovdal go leat vássán moadde beaivvi. Vaikko lea negatiiva iskkus, de fertet leat erremis.
Jus dárbbašat dakkaviđe dearvvašvuođaveahki go leat erremis dahje nuorvvus, de galggat riŋget ja šiehttat áiggi tlf. 415 76 543, ale boađe kantuvrii. Jus dárbbašat fáhkkaveahki, de riŋge tlf. 116117 dahje 113. Don fertet addit dieđu leat go covid-19 erremis.
Don oaččut dearvvašvuođaveahki maid dárbbašat, muhto leat eará vuostáváldinrutiinnat. Vuoiŋŋahatbuohcci klinihkas lea ieža uksa gos earát eai njoammuduvvo ja bargiin leat njoammunsuodjalusbargobiergasat vai ii šatta njoammunriska.
Dearvvuođaiguin
Gáivuona suohkana váldodoaktáris
Anita Monsen Pedersen
