Olu aktevrrat leat sádden jearaldaga mot lágidit doaluid ovddasguvlui.
Ráđđehusa mielde bohtet ođđa garra doaibmabijut loahpas dán vahkku. Mediat dieđihit ahte njuolggadusaid ulbmilat leat unnidit olbmuid gaskasaš fysalaš oktavuođa.
Mii leat dál dakkár áiggis gos koronalogut lassánit. Eai dušše sisriikkalaččat, muhto maiddai Tromssas. Dan dihte lea ráđđehus sávvan eanet doaibmabijuid vai eastadit leavvama.
Lea sávahahtti ahte lágideaddjit vurdet lágidemiin ja doaluin dássážii go bohtet konkrehta doaibmabijut ráđđehusas. Jus njoammundilálašvuohta Tromssas vearrána, de lea maid eanet riska ahte virus leavvá Davvi-Romsii ja Gáivutnii maid. Dalle fertejit suohkanat báikkálaččat rávvet mot eastadit covid-19 njoammuma.
Jus leat eahpesihkar lea go vejolaš lágidit doaluid, de ávžžuhit vuordit dán váhku lohppii go ráđđehus almmuha ođđa ja eanet konkrehta doaibmabijuid.
Ustitlaš dearvvuođaiguin
Anita Monsen Pedersen
Gáivuona suohkana váldodoavttir
