Doaktárkantuvrra rabasáiggit:
Mánnodaga            28.12.20 dii. 10.00 - 14.00
Disttaga                  29.12.20 dii. 10.00 - 14.00
Gaskavahkku          30.12.20 dii. 10.00 - 14.00
Duorastaga             31.12.20 dii.  08.00 -12.00

Basiid gaskkas eat vástit telefovnna dábálaš áššiid dihte. Jus dárbbašat veahki dakkaviđe, riŋge de doavttirváktii 116117 dahje 113.

Basiid áigge leat sadjásaš doaktárat doavttirváktan.

Covid-19 teasttaid sáhttá válddihit árgabeivviid gitta 23.12.20 rádjái, mánnodaga 28.12.20 ja gaskavahkku 30.12.20, buot beivviid iđđesbeaivve sullii dii 10.30.
Reseapttat dálkasiidda mat sáddejuvvojit COOP bokte fertejit diŋgojuvvot maŋemusat mánnodaga 21.12.20 vai sihkkarit ollejit ovdal juovllaid.

Dábálaš reseapttaid eat lágit basiid áigge ovdal 04.01.21.

Mii sávvat buohkaide ilolaš juovllaid!
Dearvuođat suohkana váldodoaktáris Anitas ja mis buohkain doavttirbálvalusas

Vaksinerema (boahkuheami) hárrái:

 

Norga soaitá dohkkehit covid-19 vaksiinna (boahkuid) ovdal ođđajagi. Gáivutnii eai olle dat ovdal áramusat ođđajagemánus. Gáivuona suohkan lea ráhkkanan dasa ja mis leat dárkilis boahkuhanplánat.

Go vejolaš vaksiidna lea dohkkehuvvon, de boahtá guovddáš eiseválddiin diehtočálus dan birra, vai olbmot ieža besset árvvoštallat váldet go sii dan vai eai.

Vaksiidna sáddejuvvo midjiide máŋgga vuorus giđa mielde, ja vaksineren/boahkuheapmi čađahuvvo vuoruhanlisttu mielde man guovddáš eiseválddit leat mearridan.

Mii almmuhit dieđuid Gáivuona álbmogii dađi mielde go dat bohtet.