Dál boahkuhuvvojit buohkat badjel 55 jagi geain leat vuollásaš kronalaš dávddat
- Kronalaš vuoivvasvihki dahje fuomášahtti heajut vuoivvasdoaibma
- Immunahehttejeaddji dikšu autoimunavigiid dihte
- Sohkardávda
- Kronalaš geahpesvihki, ja maid cystalaš fibrosa ja duođalaš ástmá mii lea dagahan ahte maŋimus jagiid lea ferten geavahit alladosa sisavuoigŋan stereoidaid, dahje stereoidatableahtaid.
- Buoidivuohta, čoahkkisvuođamihttu (BMI/KMI) badjel ≥ 35 kg/m2
- Demeansa
- Kronalaš váibmu- ja varrasuotnavihki (Alla varradeaddu ii gula dása)
- Vuoiŋŋaščaskkástat
Buohkat ahkejoavkkus 55- 64 jagi galget odne leat ožžon liŋkka dieđiheapmái.
Elektrovnnalaš dieđiheapmi lea Bank-ID bokte.
Liŋka dieđiheapmái: https://timebestilling.remin.no
Dál boahkuhuvvojit maiddai nuorat ja vurdojuvvo ahte eatnasat geavahit elektrovnnalaš dieđiheami go suohkanis eai leat resurssat váldit vuostá dieđihemiid manuálalaččat. Juohkehaš oažžu maid jođáneappo diimmu jus geavaha elektrovnnalaš dieđiheami dan sajis go riŋget boahkuheami telefovdnii ja dieđihuvvot manuálalaččat vuordinlistui.
Jus don vásihat váttisvuođaid dieđihemiin dahje dárbbašat sáhtu boahkuheapmái, de sáhtát riŋget boahkuheami telefovdnii: 904 02 086 gaskkal dii. 9 ja 14.
Nu go ovdal, de lea nuvttá boahkuhuvvot koronavirusa vuostá
Ustitlaš dearvvuođaiguin
Anita Monsen Pedersen
Gáivuona suohkana váldodoavttir