Njoammuduvvon v. 44: 23
Erremis sotnabeaivvi skábmamánu 7.b.rájes: 24 (okta geas lei duođaštuvvon njoammun v.43 lea ain isolašuvnnas)
Njoammundilálašvuođaid sáhttá čatnat oktii lágidemiide Dálusvákkis ja Olmmáivákkis. Dasa lassin maiddai ovttaskasdilálašvuođat maid sáhttá čatnat oktii Romsii.
Dálusvákkis oaidná ahte olbmot dušše njoammuduvvojit dállodoaluid siskkobealde. Skuvlla bargit ja oahppit iskojuvvojit ain vai sihkkarastit ahte ii leat eanet njoammun doppe.
Lea beare árrat konkluderet juoidá go lea sáhka njoammumiid birra Olmmáivákkis, go duođaštuvvojit ain ođđa njoammumat. Dáid sáhttá čatnat oktii dalle go duođaštuvvui vuosttáš njoammundilálašvuođaid. Dán rádjai ii oru leamen nu ahte njoammun lea leavvan.
Galgá rámidit sin geat leat duođaštuvvon njoammuduvvon go mannet isolašuvdnii njuolggadusaid mielde, ja leat čeahpit addit dieđu lagamusaide. Sii geat leat lagasoktavuođat leat čeahpit váldit iskosa. Dii bargabehtet juste nu mot galgá dahkat, ja dáinna lágiin nagoda kontrolleret njoammuma. Bures dahkkon!
Gáivuonas leat olmmošlogo mielde olu njoammundilálašvuođat, muhto ii leat mihkkege mii čájeha ahte lea “vilda njoammun” suohkanis. Dát mearkkaša ahte eai iđe njoammumat mas ii dieđe njoammungáldu. Orrut eai dárbbaš ballat ahte njoammuduvvojit juohke sajis.
Lea ain nu ahte sáhttá njoammuduvvot go servodat dál lea ráhppojuvvon. Dan dihte lea dehálaš muitit ahte:
- Jus ovddidat vuoiŋŋahatvuolšši dávdamearkkaid nugo, čottabákčasa, feber, golgi dahje dahppon njuni, hedjonan haksin- dahje máistináicu; váldde iskosa jus sáhtát, ja ale mana gosage dássážii dearvvašmuvat.
- Leage dárkil giehta- ja gossanbuhtisvuođain. Basa gieđaid dávjjibut go jáhkat. Gosa ja gasttit giehtagávvii dahje báhpirii, muhto ii njuolga gieđaide.
- Jus it leat boahkuhuvvon, de boahkuhuvvo.
Gearggusvuođajođiheamis lea čoahkkin ihttin disdaga. Vurdojuvvo ahte eai boađe formála mearrádusat suohkanis. Ođasmáhttojuvvon dieđut bohtet preassadieđáhusas čoahkkima maŋŋel.
Ustitlaš dearvvuođaiguin
Anita Monsen Pedersen
Gáivuona suohkana váldodoavttir
