Jus suohkanis ain leat olbmot geat eai leat vel boahkuhuvvon, de ávžžuhan sin dan dahkat.

 Effeakta nuppi boahkuheami dosas njiedjá jođánit jahkebeali maŋŋel. Dál mannat dálvvi guvlui ja vurdojuvvo ahte bohtet leat olu infekšuvnnat, ja nu maiddai koronavirusis. Boarrásepmosat ledje ollásit boahkuhuvvon 10 mánu dás ovdal ja geasi guvlui, nu ahte sii eai leat nu bures suddjejuvvon korona vuostá go geasi ovdal. Vai dearvvašvuođalágádus galgá doaibmat dálvvi čađa, de ferte unnidit riska ahte olbmot buohccájit koronavirusa geažil ja gevvet buohccivissui.  

Ávžžuhuvvo ahte buohkat badjel 65 jagi maiddai boahkuhuvvot goalmmát dosain, galgá leat mannan jahkebealli dán rájes go boahkuhuvvui nuppiin dosain.

Dál leat geargan boahkuhemiin influeanssa vuostá. Fástadoavttirkantuvrras leat dál eanet dosat, nu ahte lea ain vejolaš boahkuhuvvot korona vuostá boares dearvvasvuođasiiddas.  

Leat dál riŋgen buohkaide badjel 85 jagi ja fállán sidjiide goalmmát dosa. Dál joatkit riŋget buohkaide badjel 80 jagi. Jus leat resurssat, de bohtet maid riŋget sidjiide badjel 75 jagi geat eai leat vel dieđihan iežaset boahkuheapmái. Buohkat badjel 65 jagi ja nu maiddai boarrásepmosat sáhttet ieža logget sisa liŋka bokte https://timebestilling.remin.no ja diŋgot diimmu.

Vuosttáš boahkuheami dáhton lea skábmamánu 18.b. ja suohkanis leat dál sullii 60 rabas diimmu dán dáhtonis.

Ustitlaš dearvvuođaiguin

Anita Monsen Pedersen                                       
Gáivuona suohkana váldodoavttir