Ođđa njoammundilálašvuođat: 1
Dát lei dilálašvuohta man birra čállojuvvui ikte.
Jus servet Davvi álbmogiid guovddáža juovlabeavdái, de rávvet du čuovvut mielde jus ovddidat covid-19 dávdamearkkaid.
Oallugat ovddidit dušše gehpes dávdamearkkaid nugo veahá čottabákčasa, gosahaga, masset haksima ja máistima. Earát fas ožžot febera ja oaivebákčasa, ja dát dovdo moadde beaivvi maŋŋel go lea njoammuduvvon.
Jus ovddidat vuoiŋŋahatvuolšši dávdamearkkaid, de bivddán du mannat isolašuvdnii dássážii go lea negatiivva iskkus. PCR iskkus lea sihkkareabbo go jođánisiskkus, go ferte máŋga beaivvi geavahit jođánisiskosa ovdal go addá positiivva bohtosa.
Earáide gustojit nationála ja regionála rávvagat. Dál fertejit čuovvut mielde ovddasguvlui mot koronavirus čuohcá midjiide, ja dalle beassá oaidnit makkár báikkálaš ja nationála rávvagat bohtet gustot juovllaid guvlui. Bivddán dan dihte buohkaid čuovvut gustojeaddji rávvagiid.
- Leage ruovttus jus leat buohcci. Gusto maid jus leat gehpes dávdamearkkat.
- Doala gaskka earáide, unnimustá mehtera. Garvve buorresteami ja buorástahttima.
- Rávis olbmot rávvejuvvojit unnidit lagasoktavuođa earáiguin.
- Gosa ja gasttit giehtagávvii dahje báhpirii.
- Nationála rávvagiid mielde galggašii geavahit njálbmesuoji jus mátkkošta kollektiivvalaččat, drošše mielde, rámbuvrrain ja eará báikkiin gos leat ollu olbmot ja váttis doallát gaskka.
- Leat maid nationála rávvagat ahte galggašii geavahit njálbmesuoji jus lea oktavuohta doaktáriin dahje dearvvasvuođa- ja fuolahusbálvalusain.
Ustitlaš dearvvuođaiguin
Anita Monsen Pedersen
Gáivuona suohkana váldodoavttir
