Ođđa dilálašvuođat 8
Iešregistreremat 7
Oktiibuot 15
Nu go oaidnibehtet, de čuovvu maidda Gáivuona suohkan eará suohkaniid vásáhusaid ahte njoammunlogut duppalastojuvvot vahkus vahkkui. Vurdojuvvo ahte boahtá leahkit nu ovddasguvlui maid. Jus buohtastahttá vahku 3, de oaidná ahte suohkanis ledje 6 duođaštuvvon njoammundilálašvuođa.
Ii leat leamaš vejolaš guorrat visot njoammundilálašvuođaid, eat ge guora daid seammá ládje go ovdal. Dál leat eambbo rávvemat ja dialoga dállodoaluiguin gos lea duođaštuvvon njoammun.
Iešregistrerenortnet orru doaibmame bures, muhto min bealis eat oainne gos olbmot leat njoammuduvvon ja dan dihte ii leat nu buorre kontrolla njoammumis go ovdal.
Dás beasat ieš registreret positiivva iskosa. Vállje Gáivuona suohkana
Dál lea vejolaš viežžat jođánisiskosiid lagasoktavuođaide doavtterkantuvrras ja ráđđeviesus. Vurdojuvvo ahte eatnasat ja eatnasat dárbbašit viežžat jođánisiskosiid ovddasguvlui, ja dalle ferte álgit vuorohit daid Dearvvašvuođadirektoráhta rávvagiid mielde. Ovddemusat vuoruhanlisttus leat olbmot geain leat symptomat, dalle dállodoalu orrut, eará lagasoktavuođat, ja maŋemusat olbmot servodatkritihkalaš doaimmain geat dárbbašit iskojuvvot vai beassat bargat.
Mii jáhkkit omikronvariántta lea Gáivuonas, mii ii leat nu garas go delta. Jus rávesolbmot leat boahkuhuvvon, de addá omikron gehpes gosahaga ja febera moadde beaivvi. Mánáin leat sullii seammá symptomat.
Olbmot njoammuduvvojit hui álkit dáinna variánttain, nu ahte vurdojuvvo ahte oallugat bohtet njoammuduvvot ovddasguvlui.
Ihttin, disdaga bie. 19 lea ráđđehusas preassadieđáhus gos vurdojuvvo ahte doaibmabijut fas geahpiduvvot. Ođđa geahpideamit bohtet čuohcat isolašuvdnii, dállodoaluid iskangeatnegasvuhtii, ja iešiskamii. Ferte maid árvvoštallat ođđa rutiinnaid dearvvašvuođabargiide jus lea njoammun dállodoaluin. Ođđa dieđut suohkanis bohte preassadieđáhusa maŋŋel.
Ustitlaš dearvvuođat
Anita Monsen Pedersen
Gáivuona suohkana váldodoavttir
