Gazza oahpu barggus!
Buot rávesolbmuin geat eai leat válbmen joatkkaskuvlla ovdalaččas lea riekti oažžut oahpahusa joatkkaskuvlla dásis, dan jagis go devdet 25. Rávesolbmuin geain lea ovdalaččas joatkkaskuvlaoahppu besset searvat oahpahussii jus leat rabas sajit.
Oppalaš lohkangelbbolašvuohta
Mii fállat lohkanráhkkanahtti fágaid mat addet oppalaš lohkangelbbolašvuođa fágain dárogielas, eŋgelasgielas, servodatdieđus, matematihkas, servodatfágas, ja historjjás.
Fidnofágalaš gelbbolašvuohta
Mii fállat oahpahusa fágain mat addet fidnofágalaš gelbbolašvuođa jus lea fága/sváinnasreive ja maiddai jus ii leat. Fágat leat earret eará Vg1 dearvvašvuohta ja bajásšaddanfága, Vg2 dearvvašvuođabargifága, Vg2 mánáid- ja nuoraidbargofága, Vg2 dearvvašvuođabálvalusfága, Vg3 bátnedearvvašvuođačállifága, Vg3 dearvvašvuođačállifága, Vg3 apotehkateknihkkárfága.
Mii fállat maid práksiskandidáhtakurssaid; earret eará fágain čorgenoperatevrafágas, mánáid ja nuoraidbargofágas, ja dearvvašvuođabargifágas.
Oahpahusat leat govva-jietnastudios Davvi-Romssa joatkkaskuvlla bokte, ossodagain Ráissas ja Skiervvás. Kurssa álggus fállojuvvo buot joatkkaskuvlla rávesolbmuide álgokursa gos ohppet geavahit vuođđovuogádaga, ja maiddai oahppoteknihka kursa.
Ohcanáigemearri lea njukčamánu 1.beaivi 2022
Kandidáhtat fertejit registreret ohcamuša elektrovnnalaččat neahttasiiddus www.vigo.no. Vállje ohcamuš rávesolbmuide/reálagelbbolašvuođaárvvoštallama. Dus ferte leat MinID/báŋku ID vai beasat ohcat.
Ná ozat joatkkaoahpu rávesolbmuide- Romsa ja Finnmárku fylkasuohkan (tffk.no)
Oktavuođadieđut
Oahppobagadeaddji Davvi-Romssa joatkkaskuvllas tlf. 92 23 25 09/ 77787000
E-poasta: beate.jaatun@tffk.no