Dulvi jagi 2022 billistii huksehusaid, luottaid, ja dagahii váttisvuođaid álbmotdearvvašvuođa doaimmaid ektui Gáivuonvákkis. Dulvvi geažil rievdaduvvui dasa lassin eatnu ja ođđa oivošat ihte, ja maiddai huksehus mii galgá veahkehit reguleret dulvvi šattai teahtta. Troms Kraft Produksjon ja Gáivuona suohkan galget dál johtui bidjat ođđa doaimmaid mat galget unnidit riska ahte dulvi fas billista opmodagaid ja luottaid.

-Gáivuona suohkanis leat maŋŋel dulvvi leamašan ságastallamat Troms Kraft Produkšuvnnain dulvvi billistemiid birra Gáivuonvákkis, lea leamaš buorre dialoga ja dál álggahit oktasaš barggu kártet dulveriska, ja bidjat johtui doaibmabijuid mat galget geahpidit bilistemiid boahtteáiggis.

Troms Kraft Produksjon galgá dasa lassin leat mielde Guolášjávrri luotta divodeamis ja lassin hukset ođđa šaldi Ankerlias. Ođđa šaldi veahkeha olbmuid geavahit min fiinna tuvrabáikkiid Ankerlias ja birrasis. Mii leat hui ilus dan ovddas dadjá Gáivuona suohkana sátnejođiheaddji Bernt Eirik Isaksen Lyngstad

Dá lea ođđa doaibmapáhkka

Troms Kraft Produksjon ja Gáivuona suohkan leat ovttas ráhkadan vahátunnideaddji doaibmabijuid Gáivunčázadagas maŋŋel dulvvi. Gáivuona suohkan galgá čorget oivošiid mat leat rievdaduvvon dulvvi geažil, ja Troms Troms Kraft Produksjon galgá bargat čuovvovaččat:

1. 50, 200 ja 1000 jagi dulvvi meroštallan mas dulvvi guovlluid kárten lea mielde

2. Veahkki Gáivuona suohkanii riskaárvvoštallamiin čadnon čázadahkii ja regulerenrusttegiidda

3. Ráidnet huksehusa mii galgá veahkehit reguleret dulvvi, ja ásahit eastadandoaimmaid Miessegietti spábbačiekčanstádiona guovllus

4. Oktasaš gearggusvuođahárjehallan Troms Kraft Produksjona ja Gáivuona suohkana várás

Dasa lassin áigu elfápmosearvi ráhkadit oadjebasat johtaleami sidjiide geat geavahit Gáivuonvákki ja várreguovlluid Guolášjávri daiguin doaibmabijuiguin:

1. Ráhkadit ođđa šaldi Ankerlias

2. Ásahit ođđa dálkestašuvnna Guolášjávrris mii galgá čadnot yr.no nammasaš dálkkádatbálvalussii

3. Lassi doarjja Guolášluotta divodeapmái 10 jagi ovddasguvlui jagi 2024 rájes - Troms Kraft Produksjon háliida váikkuhit positiivvalaččat Gáivuona servodahkii min doaimmaid bokte suohkanis.

Doaibmabijut Gáivuonvákkis leat mielde buorideamen fápmobuvttadeami Guolášjoga elfápmorusttegis, muhto mii háliidit maiddái ahte dat addet oadjebasvuođa Gáivuonvákki orruide geat geavahit guovlluid vákkis ja váris, dadjá Helge Mikal Eklund, hálddahusdirektevra. Troms Kraft Produkšuvnnas

Háliida buoridit ovttasbarggu

Troms Kraft Produksjon álgá ovttatmanos hukset ođđa šaldi Ankerlias ja ulbmil lea ahte galgá leat gearggus čavčča 2024 mielde. Eará doaibmabijuid plánejuvvot ovttasráđiid Gáivuona suohkaniin. Norgga čázadat ja energiijadirektoráhta (NVE) ferte dohkkehit doaibmabijuid eanus, ja bargu álggahuvvo go dát lea sajis. Lyngstad dadjá loahpas ahte plánejuvvon doaibmapáhkka Gáivuonvákkis lea buorre ja sii leat duhtavaččat go besset bidjat doaibmabijuid johtui ovttas Troms Kraft Produkšuvnnain. Buohkat háliidit nannet ovttasbarggu čuovvovaš jagiid.

 

Oktavuođaolbmot

Bernt Eirik Isaksen Lyngstad, Gáivuona suohkana sátnejođiheaddji, tlf. 481 59 595

Helge Mikal Eklund, doaibmi jođiheaddji, Troms Kraft Produksjon, tlf. 481 97 522