Dieđut
Gáivuona suohkan lea Ivgovuona oalgevuotna Davvi-Romssas. Suohkanis leat rádji Omasvuona suohkanii oarjelulábealde, Ivgu suohkanii oarjjábealde, Ráissa suohkanii davábealde, ja Enodaga suohkanii Suomas lulábealde.
Gasku deaŧála guovddášbáikkiide:
Tromsa-Dálošvággi: 7 miilla jus johtá feargga
mielde, 18 miilla jus vuodjá Burgena bokte. Storslett-Dálošvággi su. 5 miilla.
Storslett lea Dávvi-Romssa regiovnna gávppášanguovddáš.
Lagamus girdihápman lea Reaššis Ráissa suohkanis, su. 4 miilla davábeal Dálošvákki. Romssa girdihápman lea dattetge eanemus atnon girdimátkkiide.
Viidudat: 997
njealljedasmehtera
Dat
mearkkaša ahte mis leat ollu meahcceressurssat. Gáivuona suohkan leage eanemus
várrái suohkan Romssa fylkkas. Eanet go 75% suohkanis leat eanet go 600
mehtera ábi badjel. Su. 120 km 2 lea meahcci, 30 km 2 lea sáivačáhci ja
eatnandoallu atná su. 12 km 2. Mearragáddi
lea sullii 8 miilla guhkku.
Dat buktet erenoamáš vejolavuođaid meahccástit ja johtit olgun.
Assit 01.10.2000: 2324
Dego máŋgga iežá suohkaniinge unnu Gáivuona
suohkana olmmošlohku. Eastadandihte dan, lea suohkan mearridan plánastis
deattuhit barggu ovdanahttiimiin, ealáhusovdanemiin, nuoraiguin ja
birasgáhttemiin. Dasa lassin bargá suohkan dan ala ahte ovddidit iežas fálaldaga
kvalitehta. Suohkan bargá maid regionála dásis, ea.ea.
nuoraidprošeavttain.
Suohkanis
lea buorre dálkadat. Lea unnán muohta ja arvi iežá Romssa suohkaniid
ektui.
ShareThis
