Dál mis lea leamaš giđđa ja viimmat beassát návddašit geasi mii lea fas boahtán. Dáppe Gáivuonas ii leat leamaš koronavirusnjoammu. Norggas nagodeimmet eastadit njoammuma leavvamis go árrat giddiimet riikka. Min suohkanis eat leat oaidnán man váralaš virus sáhttá leat, muhto leat aŋkke eallán seammá streaŋga njuolggadusaid vuolde go omd. Oslos.

Mu mielas olbmot Gáivuonas sáhttet leat hui duhtavaččat go leat leamaš earenomáš čeahpit eastadit koronavirusnjoammuma, ja čuvvon njuolggadusaid, mii fas lea dagahan ahte njoammu ii leat leavvan min suohkanii.

Mun oainnán ahte servodat rahppojuvvo hui jođánit. Ráđđehus dadjá ahte jus ii dárbbaš mátkkoštit, de ii galgga dan dahkat. Seammá áigge rahppet rájiid eará rikkaide ja reklamerejit man fiinnis lea Norggas fitnat luomus. Lea ipmirdahtti ahte olbmot soitet jurddašit ahte lea áibbas ortnegis vuolgit lupmui. Dán geasi bohtet mii deaivvadit juohke sajis, sihke suohkaniin ja eará sajiin. Deike Gáivutnii bohtet olbmot guhkkin eret ja lagaš báikkiin go háliidit fitnat iežaset boarráset fulkkiid luhtte. Dearvvasvuođasiiddas bohtet ain leat streaŋga njuolggadusat sihke gussiide ja orruide.

Olles Norggas oidno dál juo ahte virus leavvá báikkálaččat.

Covid- 19 ii boađe čuohcat nu garrasit eatnasiidda. Virus lea váraleamos earáide jus don it beroš leat ruovttus, muhto baicca finat báikkiin gos leat olu olbmot vaikko dovddat ahte it leat áibbas dearvvas.

Lea lunddolaš ahte olbmuin geain lea feber ja fertejit veallát seaŋggas, nagodit leat ruovttus.

Háliidan ávžžuhit din čuovvut dán golbma njuolggadusa vai eastadit njoammuma.

  1. Ale mana gosage jus dovddat ahte it leat áibbas dearvvas.

  2. Basa gieđaid ovdal go borat (gieđat gusket njálmmi omd. maŋŋel go leat fitnan almmolaš báikkiin, mii fas soaitá dagahit ahte virus njoammu dutnje).
  3. Ale fina báikkiin gos leat olu olbmot, geahččal garvit earáid geat eai leat du bearrašis dahje joavkkus.

Virusnjoammu ii leat leavvan Gáivutnii, muhto gávdno eará sajiin. Doala Gáivuona viruskeahttá geasset maid!

Dearvvuođaiguin

Anita Monsen Pedersen 

Gáivuona suohkana váldodoavttir