Bearjadat miessamánu 8.b. www.nhoreiseliv.no

Ođđasit ráhpan eaktuda ahte našunála veahkkálasbargu oavttasgas olbmos ja fidnodagain hehttet koronavirusa leavvamis joatkašuvvá. Jus massá kontrolla njoamudilálašvuođas, de soaitá fertet giddet fas.Ráđđehusas bođii maid ovdan ahte miessemánu 15. b. almmuhuvvet ođđa luomu ja astoáiggemátkki rávvagat mat gustojit geassemánu 1.b. rájes. Ráđđehusas eai leat vel mearridan dáhtona goas lea vejolaš rahpat rájiid mátkkošteddjiide olgoriikkas dahje norgalaččaid mátkkiid olggos riikkas. Álbmot berrešii ráhkkanit dasa ahte errenáigi olgoriikka mátkošteddjiide joatkašuvvá geasi čađa.

-Mii ovttasbargat eará rikkáiguin dan birra, muitalii stáhtaministtar Erna Solberg gii ipmirda olbmuid mášohisvuođa oažžut čielggadeami.

Geassemánu 15.b. rájes lea vejolaš láigidit doaluid 200 olbmuide almmolaš báikkiin.  Priváhta ruovttuin lea miessemánu 7.b. rájes biddjon rádji 20 olbmuide. Njuolggadusat gustojit maid organiserejuvvon valáštallandoaimmaide, valáštallangilvvuide jna.

Ná lea čállojuvvon ráđđehusa ođđasit ráhpanstrategiijas geassemánu 1.b:

Guossohanbáikkit mat eai vuovdde biepmuid sáhttet ráhpat nu guhka go lea vejolaš doalahit 1 mehter gaskanjuolggadusaid. Galget leat čohkkansaji ja bevddiid guossoheami láhkanjuolggadusat. Ovdal dan bohtet njuolggadusmearrádusrievdadeamit mat dahket dan ahte suohkaniin lea vejolaš váldit ruovttoluotta alkoholaguossohemiid ovttaolbmobáikkiin garžudan áigodagas, jus eai čuovu gaskanjuolggadusaid. Njuolggadusat galget gustot buot alkoholaguossoheami báikkiide.

Tivoliat sáhttet fas rahpat, muhto galget čuovvut gaskanjuolggadusaid ja buhtisvuođagáibadusaid. 50 olbmuid gáržžideapmi ii čuoza gussiidloguide, muhto lágidemiide mat čađahuvvot báikkiin (konsearttat, čájálmasat jna.). gaskanjuolggadusat gustojit bearašjoavkkuide ja ovttaskasgussiide.

Gustovaš olgoriikkamátkki ja errenáiggi njuolggadusat miessemánu 7.b. rájes:

  • Ávzzuhuvvo ain garvit olgoriikkamátkkiid. Olbmot geat leat leamaš olgoriikkas fertejit errenáiggis go bohtet fas ruoktot.
  • Olbmot fertejit vuordit ahte mátkkoštanerrenáigi bistá badjel geasi.
  • Errenáiggi geatnegasvuohta rievdaduvvo 14 beivviin 10 beivviide. Olbmot geat leat leamaš lahkalaga eará olbmuiguin lagabui go 48 diimmu ovdal go vuosttáš duođaštuvvon dávdamearkkat galget errenáigái.
  • Olbmot galget ain errenáigái jus leat leamaš lahkalaga earáiguin geain lea virusnjoammu unnit go 2 mehtera eret ja eambbo go 15 minuhta. Spiehkastat errenáiggi geatnegasvuhtii 6 mánnui guoská sidjjiide geain lea leamaš SARS-CoV-2 infekšuvnda.

Geassemánu 15. b. rájes šaddá čuovvovaččat:

  • Šaddá lohpi lágidemiide gos leat lagabui 200 olbmo.
  • Áigumuš rahpat hárjehallanbáikkiid nu guhka go dearvvasvuođaeiseváldit ovttas surggiin leat joksan dohkálaš njoammudávddaid eastádandoaibmabijuid.
  • Áigumuš rahpat vuojadansajiid ja vuojadanhállaid gussiide nu guhka go dearvvasvuođaeiseváldit ovttas surggiin leat joksan dohkálaš njoammudávddaid eastádandoaibmabijuid.  
  • Ráidočiekčan spábbačiekčama alimus dásis saddá fas lohpi geassemánu 16.b. rájes spiehkastanmearrádusas covid-19- láhkanjuolggadusas.