Gelddolaš fálaldagat skuvlajahkái 2006-07!

Dáiddabádji

Sárgun- ja málenoahpahus máŋggalagan vugiiguin ja ávdnasiiguin.

·        Gursa bistá olles skuvlajagi ja lea jurddahuvvon nuoraidskuvlla ohppiide.

7. luohkkálaččat sáhttet maid ohcat.

·        8-vahkkosaš gursa 5. luohkkálaččaide ja boarráseappuide.

Ruollaluovttas čakčat, Olmmáivákkis dálvet, Dálošvákkis giđđat.

Su. 10 oahppi juohke gurssas.

Musihkka

Koara, korpsa, banda ja eaŋkilčuojanasat

·        Gáivuona Musihkkakorpsa joatká doaimmaidis, muhte hálida eanet lahtuid ja aspiranttaid.

·        Mánáidkoara joatká doppe gos lea doarvái beroštupmi. Sámi Lávlunjoavku ja Gáivuonakoara jotket doaimmaideaset čavčča rájes. Ovddeš ja ođđa lávlut leat bures boahtin.

·        Fállat oahpahusa dáin: girárra, bássagitárra, dearppanasat ja band. Muđuid:  piano/orgel, lávlun ja girkoorgel. Girkoorgela čuojahit lea hálbbit danne go mis lea jođus rekrutterenprošeakta girkomusihkkii.

·        Kulturskuvllas lea viiddes heivehuvvon oahpahusfálaldat.

Drama

Dramahárjehusat, improvisašuvdna, teáhterbihtát ja vuoseheapmi.

·        Jahkebealgursa Dálošvákkis čakčat 5.-7. luohkkálaččaide 

·        8-vahkkosaš gursa Olmmáivákkis čakčat 8.-10. luohkkálaččaide

·        Gursa Ruollaluovttas 5.-7. luohkkálaččaide

·        8-vahkkosaš gursa giđđat 5.-7. luohkkálaččaide Olmmáivákkis. 8.-10. luohkkálaččat sáhttet maid ohcat.

Duodji

·        Fállat niibegurssa ja veaskogoarrungurssa 10-16 jahkásaš nuoraide, ovttasráđiid Olmmáivákki Duodjeservviin.

Skuvlamáksu lea 800 ru skuvlajahkái. 8-vahkkosaš gursa máksá 200 ru. Korpsas ja koarain lea iežá máksu. Sáhtát ohcat máksovuoládusa. Fertet vuođuštit ohcama. Addit bearaš- ja olluvuohtavuoládusa. Soames háviid ii leat oahpahus dannego leat iežá doaimmat, nugo Dáiddavahkku ja work-shops.

-------------

Merke ruossain oahpahusfálaldaga don hálidat čuovvut: