Gulaskuddan ja almmolaš bearráigeahčču : Suohkanplána servodatoassi – plánaprográmma gulaskuddamii
Plánaálggaheapmi. Plána- ja huksenlága § 11-13 mielde Gáivuona suohkan lea áššis 40/10 mearridan gulaskuddamii bidjat árvaluvvon plánaprográmma mas lea suohkanplána servodatoassi 2011-2023.
Plána galgá gieđahallat deháleamos hástalusaid mat bohtet suohkanservodahkii áigodagas, ja dat leat vuođđun mearrádusaide mat dahkkojuvvojit ulbmiliid ja strategiijaid hárrái iešguđetlágan fokussurggiin.
Plánaprográmma čilge makkár fáttát galget váldojuvvot ovdan suohkanproseassas, ja govt plánaproseassa galgá ovddiduvvot. Plánaprográmma čilge maid makkár čielggadeamit fertejit čađahuvvot plánaproseassa oktavuođas.
Mearkkašumiid ja árvalusčuoggáid plánaprográmmii lea vejolaš sáddet ovdal 11. 2010 Gáivuona suohkanii, poastastobe 74, 9148 Dálošvággi, dahje dása: postmottak@kafjord.kommune.no. Jos dus leat jearaldagat dahje háliidat soahpat deaivvadeami, de váldde oktavuođa ovddádusossodahkii, mas Gunn Andersen vástida telefovnnas 77719228.
Plánaprográmma lea ráđđeviesus olbmuid geahčamassii, ja iežáge almmuhansajiin, ja dan lea vejolaš viežžat suohkana neahttasiiddus: http://www.kafjord.kommune.no/hoeringer.96990.no.html
ShareThis
