Nuoraidprošeakta UNIT

Jokke & the Pussycats Skiervvás

Šattai drámahtihkka dallego Jokke & the Pussycats galggai čuojahit Skiervvás. Guokte bándalahtu dárvaneigga hissii ja konsearta maŋonii dan botta go hotealla barggai sudno gádjut.

Nuoraidprošeakta UNIT lea doaibman golbma jagi, ja mánnodaga ja disdaga lei árvvoštallanseminára Skiervvás. Doppe ledje sihke guovllu nuorat ja politihkkárat. Maid Jokke & the Pussycats Olmmáivákkis lei bovdejuvvon čuojahit nuoraideahkedis mii lei Bøteriet-báikkis. Sii čuojahedje njeallje lávllu - ja loahpahedje nannosit "Love hurts"-lávlluin. Váldolávlut ledje Charlotte ja Trine. Jokke & the Pussycats beassat oaidnit ja gullat NKDs Olmmáivákkis ja skábmakonsearttas 18.2 Ádjagis.

Maid Daniel Evensen, Ráissas eret, čuojahii gitárra ja lávllui. Son ieš ráhkada lávlluid ja lea dasa lassin Ráissa Nuoraidráđi jođiheaddji. Dás leat govat:

Gait govat: Lene Antonsen