Juovlagállá lea girjerájuin mannan

Gáivuona girjerájus ja girjebusses lea leamaš lihkku dál skábmaáiggi ovdal juovllaid. Juovlagállá lea minguimme johtán Gáivuona miehtá. Mánnodaga juovlamánu 5. beaivvi manaimet gaitdin suohkana skovllaid ja mánáidgárddiid guossis. Dálosvákki skovlla 1. luohkkálaččat  bohte girjerádjui `seavdnjadasas ballat` prošeavtta aktavuođas. Girjerájus sis lei cuvccastanboddu ja juhke báhkka juovlasáhpi ja sávtta. Girjebusses logai girjebussebargi Irene "Nissefella" nammasaš girjji maid Endre Lund Eriksen lea čállán, ja fáhkkestaga iđii juovlagállá geas ledje skeaŋkkat gait divnnaide.

Dasto mii manaimet Dálosvákki girjeráju guossis, ja de Ruollaluovtta skovlla 1. ja 2. luohkkálaččaid guossis. Ruollaluovttas čivggat besse girjerájus deaivvadit  "Dunderlygjengen i Nissefella" veagain ja juovlagálláin. De mii manaimet Biertavári mánáidgárddi guossis, ja juovlagállá finastiige COOP gávppis mas gávppašii ovdalgo vulggiimet Olmmáivággái. Olmmáivákki SFO oahppit ja Goržži ja Riebangárddi čivggat ožžo skeaŋkkaid juovlagállás ja gelddolaš cuvccastanbottu girjebusses.

Gáivuona girjeráju/girjebusse bargit ja juovlagállá sávvet gait divnnaide ilolaš juovllaid :-)

Geahča govaid  dás: