Gii lea ođđa nuoraidgulahalli?
Mun lean Leena Olsen ja lean fargga 24 jagi. Lean bajásšaddan Gáivuonvákkis ja mus leat guokte máná. Asttoáiggis liikon leat luonddus, bassit ja bivdit, muhto golahan maiddái áiggi gáfegohpuin ja TV- geahččamiin.
Mun lean sosionoma ja liikon bures ovttastallat eará olbmuiguin vai sáhttá leat sosiála ja vel nai oahppat juoidá ođđasa nuppiin.
Mun liikon hui bures musihkkii, ráhkadit biepmu ja maiddái diŋggaid.
Leat go dus jurdagadat mii váldomihttomeari du barggus galggašii?
Mu váldomihttomearri lea oažžut oktavuođda nuoraiguin, oahpásnuvvat singuin ja bargat ollášuhttit sin áigumušaid. Áiggun rahčat barggus vai nuorat ožžot nu oadjebas ja stábila árgabeaivvi ja nuorravuođaáiggi go vejolaš. Mu mielas leat psykalaš ja sosiála bealit olbmo eallimis hui mávssolaččat ja danne áigguin lágidit doaluid ja ohcat ruđa fálaldagaide maid nuorat ohcalit.
Maid áiggut vuoruhit álgobáliid?
Háliidan vuoruhit mannat skuvllain ja asttoáigefalaldagain čájehit iežan ja oaidnit sin. Dát čatná oktavuođa ja sii de dihtet mun gávdnon ja sáhttet muinna váldit oktavuođa.
Maid birra sáhttet nuorat váldit oktavuođa muinna?
Nuorat sáhttet muinna váldit oktavuođa jus sis leat gažaldagat, áigumušat dahje jurdagat doaimmaid ja doaluid birra. Mun sáhtán maiddái veahkehit jus muhtin dárbbaša hupmat ja jus dárbbašit ráđiid go eallimis leat hástalusat.
Nuoraidgulahallis lea jávohisvuođabággu!
Oktavuođadieđut
Leena Olsen
Tel.: 924 05 794
E-poasta: leena.olsen@kafjord.kommune.no
Facebook: Kåfjord ungdomsportal
Snapchat: kaafjordung
