Ođđa iskanrutiinnat ja rievdadusat errennjuolggadusain

Dál sáhtát digitálalaččat registreret jođánisiskosiid Bank-ID bokte. Sáhtát registreret jođánisiskosa iežat ja maiddai earáid bealis nugo iežat mánáid ovddas, vállje Gáivuona suohkan 

https://pasient.remin.no

Maŋŋel registrerema oaččut duođaštusa SMS bokte mas leat dieđut isolašuvnna njuolggadusaid birra, sáhtát maid lasihit/ registreret iežat lagasoktavuođaid seammá vuogádagas.

Jus oaččut positiivva jođánisiskosa ruovttus, de it šat dárbbaš fitnat iskanguovddážis ja iskojuvvot PCR iskosiin. Jođánisiskosat leat hárve “fálska positiivvat”, nappo ahte čájehit feaila bohtosa. Jus jođánisiskkus čájeha positiivva bohtosa, de mearkkaša ahte dus lea korona.   

Jus registreret positiivva jođánisiskosa bajit liŋka bokte, de lea mis juogalágan oppalašgeahčastat njoammundilálašvuođas suohkanis.  

Rávvejuvvo aŋkke ahte sis geain ii leat dohkálaš koronapássa, omd. sii geat eai leat boahkuhuvvon váldet PCR iskosa go lea dušše dat mii registrerejuvvo koronapassii.

Čuovvovaččat berrešit váldit PCR iskosa:  

• Jus it leat boahkuhuvvon dahje eai leat doarvái dosat, dát gusto máŋgga manaide
• immunváili
• Jus leat doaktára luhtte vuoiŋŋahatinfekšuvnna geažil ja dárbbašat sajušteami, de lea rutiidna ahte váldojuvvo PCR iskkus.

Jus lea positiivva iskkus, de fertet leat isolašuvnnas 6 beaivvi. Beaivvit registrerejuvvot dan rájes go ožžot symptomaid. Jus eai leat symptomat muhto positiivva iskkus, de galgá rehkenastit beivviid dan rájes go iskojuvvui.

Dát njuolggadusat gustojit jus leat isolašuvnnas

It galgga iskojuvvot vai beassat eret isolašuvnnas go iskkus sáhttá leat positiiva máŋga vahkku maŋŋel go leat buohccán. Go leat mannan guhtta beaivvi, de it šat dárbbaš leat isolašuvnnas ja beasat fas eallit dábálaš eallima.  

Gaskavahku ođđajagimánu 26. beaivvi rájes ii dárbbaš šat leat erremis. Ain bohtet oallugat leat lagasoktavuođat soapmásii geas lea korona, sáhttá maiddai ieš buohccát ja njoammut earáid. Ferte ain geahččalit garvit juste dán.  

Lagasoktavuođat

Lagasoktavuođaid definišuvnnat nærkontakt

• Dállodoalu orrot
• Go lea leamaš lagabui go 2 mehtera soapmásii guhkibut go kvártta
• Fysalaš rumašoktavuođain, vaikko goas, ja maiddai buorástahttimis
• Jus lea leamaš oktavuohta rumašgolgosiin nugo gosahagain ja gasttihemiin  

Lagasoktavuođat dállodoalus dahje seammasullasaš lahkasat  

Lágasoktavuođat dán kategoriijas fertejit iskojuvvot beaivválaččat dan áigodagas go dábálaččat livčče leamašan erremis. Jus ii leat vejolaš iskojuvvot, de ferte leat erremis nu go dábálaččat.     

Iskanrávvagat dállodoalu orruide:

• Váldit iskosa 5 beaivvi maŋŋel maŋemus lagasoktavuođa
• Jus ii leat vejolaš garvit lagasoktavuođa, de ferte iskojuvvot 11 beaivvi dan rájes go son gii lea isolašuvnnas álggahii isolašuvnna. Gusto maiddai mánáide.

Dasa lassin rávvejuvvo ahte geavaha njálbmesuoji almmolaš báikkiin, ja ahte ii mana stuora lágidemiide. Njálbmesuoji rávvagat eai gusto mánáide vuollel 12 jagi.  

Eará lagasoktavuođat

Rávvejuvvo ahte iskojuvvot 3 ja 5 beaivvi maŋŋel maŋimus lagasoktavuođa.

Rávvejuvvo ahte buot lagasoktavuođat čuvvot mielde symptomain 10 mielde, ja leat ruovttus jus buohccájit.

Dáppe lea vejolaš viežžat jođánisiskosiid jus dállodoaluin ja lagasoktavuođain lea duođaštuvvon koronavirusnjoammun:  

• Biertavári doavtterkantuvrras, vahkkobeivviid dii. 08.30 – 15.00
• Dálusvákki ráđđeviesu bálvaluskantuvrras, vahkkobeivviid rahpanáiggis dii. 10.00.-14.00.

Ustitlaš dearvvuođat

Anita Monsen Pedersen                                                                              
Gáivuona suohkana váldodoavttir