Ođđa bánda ilmmai 17. mai-lágideamis OlmmáivákkisDán jagi MUIL lágidii eahketdoalu Ája-guovddážis. "Jocke and the Pussycats"-joavku lei vuosttaš geardde lávddi nalde. Kulturskuvlla ohppid eahkedis geasemánu 10. b. Ája-guovddážis sis galgá leahtit nubbi lávdečuojaheapmi.
|
Doalus lei gáffádat mas ledje márffit ja gáhkut vuovdimassii, de lei guoimmuheapmi ja bálkkášumiid juogadeapmi. Maŋŋil lei biŋgo, nugo árbevierru lei Olmmáivákkis Norgga álbmotbeaivvi.
Prográmma álggus čuojahii "Jocke ande the Pussycats"-joavku mas leat 6 čuojaheaddji Olmmáivákki nuoraidskuvllas. Kulturskuvla lea álggahan joavkku beannot mánu dás ovdal - máŋggas dán joavkkus eai leat čuojahan ovdal. Dát lei sin vuosttaš čuojaheapmi - "Orbina". Ja dat manai bures! Lea vuot liiba gullat joavkku Kulturskuvlla ohppid eahkedis geasemánu 10. b. dáppe Ája-guovddážis.
Dasto linedance-joavku vuosihii dánssaid. Linedance lea MUILa doaibma, Stine Oldervoll lea oahpaheaddji.
MUILa jođiheaddji-guovttos, Inghild Blomstereng ja Silje Hovdenak, juogadeigga pokalaid daidda geat leat leamaš mielde dán dálvvi klubbačuoigamiin. Dát čuoigandálvi lea lihkostuvvan hui bures. MUIL lágidii 9 klubbačuoigama, klubbameašttirčuoigama lassin. Eanemusat 50 čuoigi leat oassálastán. Máŋggas serve Gáivuona-meašttirčuoigamiidda ja sonečuoigamiidda. MUIL lea plánen álggahit čuoiganhárjehallamiid čakčat juo. |
| 2004-05-18 |
| @Lene Antonsen |
Tips en venn
Skriv ut
