Backstage ruoktot musihkkalávdái

Rock ollis vuimmiin basiid gaskkas

Goalmmát juovlabeaivvi lei albma juovlarocka Dálošvákkis. Olbmot miehtá suohkana, ja maid "juovlaturisttat", ledje boahtán kulturguovddážii guldalit musihkka. Dasa lassin ledje guossit iežá suohkaniin, maid guovllu olggobealde.

10 bándda, 13 jahkásaččaid rájes gitta 60 + rádjai, ledje mieđihan searvat dán láigideapmái mii lei gárrenmirkkukeahttá.

Dasa lassin lávllui Marita Solberg soloartistan, mieđusčuojaheami haga. "Sol-Tensing" lei mielde, ee. duolávlun: Karoline Garfjell-guovttus Ørjaniin - soai leaba oappážat.

Backstageš s lei 20 jagi ávvudeapmi ja lei ain vuoibmi go sii čuojahedje ja lávlo. Iežá artisttat serve sin jovkui ja ledje mielde čuojaheamen. Suohtas oaidnit sin fas.

Englebarnii ii leat gullon binnáš áigái, ja sii čuojahedje nubbi maŋemuš bándan, ja sii ožžo guldaleddjiid mielde lávlut.

Iežá bánddat ledje:

Jokke & the Pussycats
Ei saa peitää
Namahis nuoraidbánda Biertaváris
Alit Boazu
Macaber
Mindtwist
Johanne Ballovarre band
Oldies

Sihke "Oldies" ja Macaber leat leamaš guhkki eret, muhte vuhttui ahte sii eai lean vajálduhttán atnimis čuojanasaid eaige govt lávlluid ovdanbuktit. Ja gal lea hárbmat buorre go artisttat servet dákkár dollui juovlaluomus. Ja das mii oaidnit govt Gáivuonas musihkka lea eallán ja velge eallá .

Hallvard Rundberg lei prográmma láidesteaddji ja čanaige bihtáid bures aktii. Hogne Rundberg ovddasvástidii fas jiena. Nuoraidráđi jođiheaddji, Stian Johansen, giittii gait bánddaid ja artisttaid go ledje searvan.

Loahpas vuorbádedje 5 CD + ovtta stuora šaddogore maid Coop Olderdalen lei sponsen.

Lágideapmi lei ovttasbargu Gáivuona Nuoraidráđi ja Gáivuona Musihkkaráđi gaskkas, veahkkin ledje nuoraidklubbat, kulturkantuvra, Kulturskuvla ja diehttige artisttat.

Gerd S. Nilsen

Geahča govvaráuidduid: Romjulsarr 2 ja romjulsarr

Gait govat: Elisabeth P. Jensen

Gi tilbakemelding