RUST eaiggát lea Davvi-Romssa Regiovdnaráđđi ja das lea regionála nuoraidráđđi mas leat guokte ovddasteaddji juohke dan guđa Davvi-Romssa suohkanis – Návuonas, Ráissas, Skiervvás, Gáivuonas, Omasvuonas ja Ivgus, ja Fágaráđđi mas leat hálddahuslaš resursa mii bargá nuoraidráđiin. Regionála nuoraidkonsuleanta lea RUST čálli.

RUST láhčá dili suohkanrájiid rasttildeaddji ovttasbargui atnin dihte ávkki guhtet guoibmáseaset vásáhusain, ja lea dehálaš gaskaoapmi nuoraid oassálastimii regionála servodatovdánahttimis. Dasa lassin galgá bargu veahkkin loktet diđolašvuođa ja máhtu regionála identitehta ja eanet ássanmiela birra. RUST fokusere oahpahit nuoraide demokráhtalaš proseassaid, unnidit hehttehusaid nuoraidráđi ja rávis politihkkáriid gaskkas ja váldit searvái go mearrádusat dáhkkojuvvojit. Juohke jagi leat mis:

  • 4 čoahkkima Davvi-Romssa nuoraidráđis ja Fágaráđis
  • 2 searvečoahkkima sátnejođiheddjiiguin Davvi-Romssa regiovdnaráđis
  • RUST-konferánsa mas leat oahpahusat ja kurssat nuoraidráđiide
  • Tuvra sátnejođiheddjiiguin mii galgá loktet diđolašvuođa nuoraidoassálastima birra ja unnidit hehttehusa ovttasbargat
  • Prøv sjøl -foanda: Kultur- ja ealáhusfoanda nuoraide gaskkal 13 ja 18 jagi, ja ohppiid- ja nuoraidfitnodagaide skuvllain
  • Fierpmádat- ja fágalašođasmahttin Fágaráđi váste

2017:s oaččui RUST – Davvi-Romssa regionála nuoraidáŋgiruššan 300 000 ruvdnosaš ealáhusbálkkašumi Romssa fylkasuohkanis.