Dálošvákki skuvla

Sámi álbmotbeaivvi markeren 2006-02-06

Dálošvákki skuvla áigu markeret Sámi albmotbeaivvi bie. 08.30 rájes mánnodaga.
Markeret dáinna lágiin:

Iđđedis gait skuvlaoahppit čoakkanit skuvlla lášmmohallansálii lávlut Sámesoga lávlaga sápmái ja dárrui. Bajásšaddanjođiheaddji Øyvind Rundberg doallá sártni. Dasto mánáidskuvllas ja nuoraidskuvllas lea sierra prográmma.

Nuoraidskuvllas lea ivgugákti fáddán. Álggos sii gehččet filmma "Dressing up in Saami Identity" ja "Oliva's kitchen" mat leat dán fáttá birra. Ivgugákti ii lean anus badjel 100 jahkái dalle go ráhkduvvui ođđasis 90-logu álggus. Dán áigge gákti lea bivnnut. Filmmas deaivvadit gáktegoarruin Karin Olseniin. "Olivia's Kitchen"-filmmas de vulget mielde Oliva Nilsena gievkkanii geahččat govt son duddjo gápmagiid. Maid dat leat bivnnuhat dán áigge. Son muitala boares áiggis ja dálá áiggis. Oahppit ožžot iešguđetlágan bargobihtáid ivgugávtti oktavuođas. Oasi sáhttit maŋŋil gávdnat 9. luohká áviissas, muđuid mii bidjat 8. luohká seaideáviisii.

Mánáidskuvla áigu markeret beaivvi olgun gos sii áigot ráhkadit muohtabácciid.

Loahpas gait oahppit ožžot biepmu ja juhkamuša. Čuovo mielde, reportáša galgá boahtit.....