Mii lea juogus?

Juogus lea ohcan juohkit stuorit vistti osiide. Eanet olbmuin sáhttá aktovuoigatvuohta oassái visttis. Ráidoviessu dahje eanan, mas leat eanet sierra vistti, nu go bartaguovllut, sáhttá organiseret oktasaš eaiggádanoassin.

Juhkosa sárgot ja bidjet sierra juogusnummara. Juohke juhkosis sáhttá váldooassi, omd. asodat, ja okta dahje máŋga liigeoasi. Dábálaš liigeoasit leat rájut ja bisánansadji.

Juohke juogus oažžu sierra vuođđogirjeárkka go juhkosa leat gulahan. Čálus muitala mii gullá juhkosii, nu go liigeoasit.

Mot čađahit juhkosa?

Go galggat ráhkadit juhkosa, fertet deavdit juogusohcama. Dán skovi lea Suohkan- ja ođasmahttindepartemeanta (SOD) hábmen ja dan sáhtát viežžat sin neahttasiiddus. Doppe lea maiidái bagadus.

Suohkanbagadallá mot skovi galgá deavdit ja maid galgá bidjat mielddusin. Suohkan meannuda juogusášši ja bidjá juhkosa matrikkelii. Dasto sádde suohkan dieđu gulahallamii, ja juohke juogus oažžu iežas vuođđogirjeárkka.  

Juohkit juhkosiid

 Geas lea vuođđogirjevuoigatvuohta opmodahkii ovdal juhkosa, biddjo láhkavuođđoeaiggádin buot juhkosiidda maŋŋel go lea gulahuvvon. Jus ovttaseaiggádat galget oažžut rievtti iešguđet oassái, ferte bidjat guhte oassi gullá geasa 5. čuoggái juhkosis. Sii sáhttet maiddái deavdit skovi "Fordeling av sameieandeler ved seksjonering".

Jus muhtin oktasašeaiggát galgá oažžut stuorit oasi oktasašopmodatjuhkosis, go dan mii lea ovdal juhkosa, ferte deavdit eananoamastanduođaštusa, go  dát lea vuoigatvuođasirdin.

Skovvi, mii čájeha ovttaseaiggádiidosiid, berre sáddejuvvot oktanis gulahandieđuin ja juogusmearrádusain, dahje maŋŋelaš juhkosa.

Dokumentadivat

 Dábálaččat ii rievdat dat ahte ovttaseaiggádiidoasit šaddet juoguseaiggádeapmin vuoigatvuođasirdima. Jus lea dušše juohkit eaiggádiid opmodaga osiid ovdal juhkosa, ii mielddisbuvtte dokumeantadiva.

Ovttaseaiggát ferte máksit, jus oažžu stuorit oasi go dan, mii lei ovdal juhkosa. Dokumeantadivat mearriduvvo árvvu vuođul, mii lea badjel oasi álgoárvvu. Ii galgga maide máksit dan oasis maid ovdal eaiggádii.

Heaittihit juhkosa

Jus opmodat ii šat galgga adnot juogusopmodahkan, sáhttá heaittihit ja sihkut dan suohkanis. Suohkan sádde dieđu heaittiheami birra Kartverkii. Dán ovddas ii dárbbaš máksit.

Loga eanet gulahanjohtočállosis kap. 12.4

Suohkan lea juoguseiseváldi

Jus dus leat gažaldagat eaiggátjuoguslága dahje mot čađahit juogusášši, válddát oktavuođa suohkaniin. Suohkan lea juoguseiseváldi, ja lea suohkan, mii mearrida leat go eavttut nu ahte sáhttá čađahit juhkosa dahje rievdadanjuhkosa. Kartverket meannuda juogusáššiid gulaheapmái ja addá bagadallama dušše gulaheami birra.

Gáldu: https://www.kartverket.no/eiendom/ eierseksjoner/seksjonering.