Gáivuona KulturskuvlaSirkus Olmmáivákkis!Mannan gaskavahku lei sirkusčájálmas Olmmáivákkis. Sirkus Leatosis lei čájálmas sirkusmanešas Goržženjárggas. Olmmáivákki Mánáidkoara lei lágideaddji.
|
Gait oasálastit leat mielde Olmmáivákki Mánáidkoaras, ja lei musihkka ja lávlun. Mielde lei sirkusjođiheaddji ja báddedánsut, beanadábmi oktan beatnagiiguinis, geaidi ja kaniinnat, ledjon ja ledjondábmi, klovnnat, balloŋga- ja billeahttavuovdit. Liv Rundberg lei musikalaš jođiheaddji, koara vánhemat ledje bagadallan, ráhkadan biktasiid ja kulissaid, ordnen jiena ja loahpas sii vel basse márffiid ja hamburgeriid - borramuš ferte! Koara hálidivččii boahtte čavčča bovdejuvvot vuosihit čájálmasa iežá báikkiin maid!
|
| 2005-06-19 |
| @Lene Antonsen |
Cavgil ustibii
Čálit
