Gaskavahku 19.4 vulge gait oahppit, skovlluhat ja stuorra oassi váhnemiin Gálggojávrái čuoigat. Mii vulggiimet skovllas biel. 9 guvttiin bussain ja ollimet Gálggojávrái beannot diimmu geahčen. Bussaid mii guđiimet Gálggojávrri davvegeahčái, ja čuoiggaimet jávrri rastá dassážiigo mii gávnnaimet vuogas leairasaji. Oahppit ledje áŋgirat oaggut jieŋa nalde, njulčut sabegiiguin, čuoigat sáttačuoigamiid ja muđui čuoigat. Dolastallan gullá dieđunge maid dakkár mátkái. Čáppa dálki dagai ahte áigi gollui jođánit dassážiigo mii vulggiimet bie. 15.
Min skovllas lea lihkku go min váhnemat/ovddasteaddjit álo servet min mátkebeivviide jna. Maid dán mátkkis ledje olu váhnemat fárus. |
Tips en venn
Skriv ut siden