Dálusvákki – Noammervákki čáhcedoaimmahaga oktiičatnan
Diehtun
Dieđu illustrašuvdnagovva
Gáivuona suohkan sáhttá viimmát fállát dohkkehuvvon juhkančázi Noammervákki ássiide.
Gáivuona suohkan válddi badjelasas Noammervákki čáhcedoaimmahaga stuorideami prošeavtta skábmamánu 16.b.2022. Noammervákki čáhcedoaimmahagas leat máŋga jagi leamaš váttisvuođat doaimmain, ja dan oktavuođas bođii sávaldat laktašuvvat suohkana čáhcedoaimmahahkii. Juhkančáhcenjuolggadusaid gáibádusaid mielde fertejit čáhcedoaimmahagat nagodit buktit hygienalaš ja dohkkehuvvon juhkančázi ássiide (erenomáš ráidnengáibádusat). Dálusvákki čáhcedoaimmahagas manná dál 3600 mehter guhkkosaš čáhcebohcci Noammervággái. Viimmát sáhttá Gáivuona suohkan dál fállát dohkkehuvvon juhkančázi Noammervákki ássiide.
Dát mearkkaša ahte diŋgojeaddjit čadnon sihke boares suohkana ja Noammervákki priváhta čáhcedoaimmahahkii, fertejit máksit čáhcedivada. Luodda gaskkal Dálusvákki ja Noammervákki ii šaddan asfalterejuvvot diibmá go prošeakta dađi bahábut maŋiduvvui, muhto plánaid mielde galgá dát dahkkojuvvot geassemánu 2023 mielde.
Gáivuona suohkan háliida maiddai giitit entreprenevrra Manndalen Maskin AS buori barggu ja ovttasbarggu ovddas prošeavttas.
Sist oppdatert