Bargiide/politihkkariidda: Dieđut Tiktok ja Telegram birra, almmuhuvvon njukčamánu 29.b.2023

Buot bargiide ja álbmotválljen áirasiidda

NSM (Nationála Sihkkarvuođaeiseváldi) lea Justiisa- ja gearggusvuođadepartemeantta gohččuma mielde árvvoštallan ahte berrešii go Norggas álggahit doaibmabijuid dahje addit rávvagiid dahje njuolggadusaid earret eará Tiktok ja Telegram oktavuođas.

NSM árvvoštallá ahte ii berreše sajáiduhttit TikTok dahje Telegram nammasaš applikašuvnnaid almmolaš bargiid bálvalusovttadagaide mat gullet doaimma siskkáldas digitála vuođđostruktuvrii dahje bálvalusaide

Dan vuođul lea Gáivuona suohkan dál mearridan ahte Tiktok ja Telegram galget dakkaviđe sihkkojuvvot eret buot bálvalustelefovnnain ja eará ovttadagain mat leat laktašuvvan Gáivuona suohkana IT-vuogádagaide.

Bargit ja álbmotválljen áirasat fertejit dan dihte sihkkut dán guokte prográmma bálvalus telefovnnain, neahttabreahtain ja eará ovttadagain mat leat laktašuvvan suohkana IT-vuogádagaide.

Mii deattuhit ahte mearrádus sihkkut Tiktok ja Telegram guoská buot telefovnnaide, neahttabreahtaide ja eará ovttadagaide mat leat čadnojuvvon Gáivuona suohkana IT-vuogádagaide.

Jus dus lea priváhta mátketelefovdna, neahttabreahtta dahje dihtor mii lea laktašuvvon suohkana IT-vuogádagaide, de fertet juogo sihkkut dáid dahje fertet daid ovttadagaid váldit eret suohkana IT-fierpmádagas.

Jus leat eahpečielggasvuođat, de sáhttá váldit oktavuođa hálddahusain.

Dearvvuođaiguin/Med hilsen

Trond Arne Hoe
Kommunedirektør/ Suohkandirektevra