Dieđut loddeinflueanssa birra Gáivuonas
Gáivuona suohkan lea dán rádjái ožžon unnán dieđuid jápmalottiid birra. Mii leat ožžon dieđu loddejámu birra suohkana olggut guovlluin, Gáivuonorriin ja Dážavákkis.
Suohkan lea mearridan gaskaboddosaš rutiinnaid ja doaimmaid das mot meannudit jus loddeninflueanssa deaivida. Mis lea maiddai buorre gulahallanvuogit Ivgu suohkaniin danne go mis lea oktasaš hálddašeapmi Vuorris, go doppe leat gávdnon ollu jápmalottit.
Mii bivdit sin geat gávdnet jápmalottiid čuovvut rutiinnaid mat muitalit maid olmmoš galgá dahkat jus gávdná jápmalottiid, namalassii dieđihit suohkanii.
Šibitdoavttirinstituhtta neahttasiiddus leat eanet dieđut:
Døde eller syke fugler og andre dyr | Mattilsynet Lenke til et annet nettsted.
Dehálaš lea ahte ii olmmoš guoskkat buohcci dahje jápmán lottiid, ja ahte ii muosehuhte buohcci lottiid go eai oro nagodeamen girdilit. Lottit mat eai jáme dan dávdii sáhttet váldit vára čivggain. Buohccán lottiid ii sáhte dálkkodit loddeinflueanssa vuostá. Olmmoš berre garvit johtimis báikkiin main leat ollu lottit go njoammu sáhttá čuovvut skuovaid ja biktasiid mielde. Basa ja desinfisere skuovaid ja biktasiid jus finat guovlluin main leat ollu luonddu lottit.
Dieđut mat gustojit olbmuide geain lea šiehtadus suohkaniin:
- Jápmalottiin sáhttá leat dávda ja maiddai njoammu, ferte gieđahallat daid dan mielde.
- Go čohkke dahje gieđahallá jápmalottiid, de galgá geavahit čuovvovaš suodjebiktasiid ja rusttegiid:
- Suodjebiktasiid nugo omd. obbabiktasa man sáhttá molsut ja bálkestit.
- Buriid suorbmafáhcaid mat jehket čázi ja man sáhttá molsut ja bálkestit maŋŋel geavaheami, dahje sáhttá desinfiseret.
- Máskka mii suddje vuoiŋŋahaga NS_EN 149:2001-FFP3 mielde
- Lávges čalbmelásiid dahje visiira.
- Gahpira mii suddje njoammuma vuostá ja man sáhttá molsut ja bálkestit maŋŋel geavaheami (jus geavahuvvo obbabivttas dahje suodjebivttas mas ii leat gahpir) .
- Skuovvatreahkaid.
- Jápmalottiid galgá dakkaviđe bidjat nanu ja giddejuvvon plastihkkaseahkaide.
- Jápmalottiid galgá bidjat bures giddejuvvon plastihkkaseahkaide go mátkkošta biillain dahje fatnasiin.
- Biktasiid ja eará rusttegiid maid lea geavahan jápmalottiid gieđahallamis galgá páhkket ja bidjat bures giddejuvvon plastihkkaseahkaide. Galgá bidjat seahkaid merkejuvvon kontainerii.
- Ii galgga borrat dahje juhkat jus ii leat váldán eret suodjebiktasiid ja bures bassan gieđaid.
- Biktasiid maid lea geavahan jápmalottiid gieđahallamis galgá páhkket bures giddejuvvon plastihkkaseahkaide, ja bassat bassanmašiinnas unnimustá 60 grádas.
- Geahččal garvit nu ahte it guoskka eará biktasiidda ja rusttegiidda go nuolat suodjebiktasiid.
- Jus gávnnat jápmalottiid, de galggat sáddet loguid maila bokte mailačujuhussii: post@kafjord.kommune.no dahje mátketelefovnna bokte nummárii: 450 07 573. Galgá oktii vahkus raporteret ja maŋimustá duorastat eahkedis.
MUITTE buori giehtabuhtisvuođa. Basa gieđaid ja geavat giehtasprihta lassin jus gieđahalat jápmalottiid.
Sist oppdatert
Fant du det du var på jakt etter?