6.preassadieđáhus – Stáhtus Miessegiettis/Vuoksaváris
Duorastaga suoidnemánu 31.b., bearjadaga borgemánu 1.b., ja lávvardaga borgemánu 2.b. ledje ollu stuora ja moadde smávit geađgeuđđasa Miessegietti bajábealde Gáivuona suohkanis. Geađgeuđas lei sullii 70 mehter govdat ja guovlu gos geađggit firre mii lei gaskkal 860 ja 920 mmb. Geađgeuđđasa mielde čuvvo maiddai luovosmássat. Lávvardatija borgemánu 2.mánu biddjojuvvui maiddai InSAR nammasaš rádár vári vuollái vai čuovvut mielde uđđasis, ja mihtidemiid bokte sáhttá čájehit ahte stuorát oasit váris eai lihkat, muhto ain lea veahá lihkadeapmi mássáin uđasguovllus. Sáhttá maiddai čájehit ahte maŋimus jándora leat mássát lihkadan nu ollu go 120 mm.
Vaikko ii leat nu stuora lihkadeapmi mássáin de vurdojuvvo ahte eanet geađggit sáhttet fierrat, ja árvvoštallojuvvo ahte guovlu gos uđas lea fierran lea unnit go doppe go juo geađggit leat fierran. Vaikko jagiid 2013 ja 2016 leat fierran geađgeuđđasat seamma guovllus, de rehkenastojuvvo ahte uđđasat eai galgga ollet gitta gillái.
Meteorologa Andreas Aspaas dadjá ahte mihtideamit čájehit ahte dušše smávit oasit váris leat lihkadeame, muhto ain lea veahá lihkadeapmi guovllus gos geađgeuđas álggos fierai. Lea riska ahte mássát mat leat báhcán sáhttet fas fierrat, muhto geađgeuđas ii galgga ollet gillái. Maŋimus vahku lea NVE čuvvon mielde vári dilis rádármihtidemiid bokte, ja mihtideamit bohtet joatkit ovddosguvlui. Suohkan oažžu dieđu jus dilli rievdá váris. Suohkana ja NVEa rávvagiid mielde eai galggaše olbmot vánddardit uđasguovllus Miessegiettis.
1.govus: Visogovvakárta. Guovlu gos rádár lea biddjojuvvon.
2.govus: Visogovva guovllus gos uđđasat leat fierran ja báhcán mássat čájehuvvojit.
3.govus: Rádármihtut. Čájehuvvo ahte ain lea lihkadeapmi ráddjejuvvon guovllus várregilggas, muhto ii nu ollu go ovdal.
4.govus: Rádármihtut. Juohke linnjá čájeha sierra mihtidančuoggáid mássáin mat eai leat vel gáhččan guovllus. Mađi duolbaseabbo linnjá, dađi njozet lihkadeamit. Mihtut čájehit ahte lihkadeapmi lea unniduvvon borgemánu 3.beaivvi rájes.
5.govus: 3D govva guovllus gos sáhttet fierrat geađgeuđđasat (merkejuvvon fiskadin).
Oktavuođaolbmot Gáivuona suohkanis
Doaibmi gearggusvuođajođiheaddji Greta Larsen tlf: 91573468
Sátnejođiheaddji Bernt E.I. Lyngstad mobil: 48159595
Oktavuođaolbmot Norgga čázadat ja energiijadirektoráhtas (NVE)
Doaibmi govlujođiheaddji Anders Bjordal tlf: 90661976
Sist oppdatert