Gáivuona suohkanis leat dál 13 fuolahanviesu mat leat Biertáváris.

Fuolahanviesut lea ásodat, mii lea heivehuvvon geavaheddjiide geain lea doaibmafuotnáneapmi mii dahká ahte fuoláhusdárbbu ii sáhte áimmahuššat olbmo iežas ruovttus dahje ásodagas.

Dát ii leat suohkana láhkageatnegas ovddasvástádus, ja danne ii leat ovttasge lága mielde riekti gáibidit dákkár ásodaga, muhto suohkan lea geatnegahttojuvvon leat mielde doaimmaheamen ásodagaid veahkkedárbbašeddjiide, gč. dearvvašvuođa- ja fuolahusbálvaluslága § 3-7. Juolludeapmi eaktuda ahte lea guoros ásodat. Ásodaga juolludanmearrádus árvvoštallojuvvo eaŋkilmearrádussan, ja dan sáhttá váidalit hálddahuslága §28 mielde. Láigodilálašvuohta ásahallojuvvo viessoláigolága mielde.

Ulbmiljoavku leat veahkkedárbbašeaddjit geat leat viessomárkanis ja geat dárbbašit veahkke- ja suodjalusdoaibmabijuid agi, doaibmahehttejumi dahje eará sivaid dihte. Ohccit galget leat suohkana ássit, dahje ásaiduvvat suohkanii maŋimustá láigosoahpamuša vuolláičálidettiin.

Ohcamuš galgá sáddejuvvot Gáivuona suohkanii dikšo- ja fuolahusbálvalusa bokte.