Viessobáŋkku neahttasiidduin sáhtát lohkkát eanet dieđuid ássandoarjaga birra. Don sáhtát maid geahččalit ássandoarjjakalkuláhtora. Viessobáŋkku ja suohkan ovttasbargaba ássandoarjagiin. Viessobáŋkku dahká mearrádusaid, muhto suohkan meannuda ja bagadallá ohcciid. 

Oza ássandoarjaga:
Ohcanáigemearri ássandoarjagii lea 25.beaivvi juohke mánu. Olggosmáksin lea 20.beaivvi, maŋit mánu. Jus oaččut ássandoarjaga, de du ohcamuš gusto maŋit mánuide maid. Jus ovtta mánu lea beare alla sisaboahtu ja du ohcamuš hilgojuvvo, de ohcamuš sirdojuvvo boahtte mánnui. Jus ohcan hilgojuvvo golbma mánu maŋŋálaga, de fertet ođđasit ohcat.

Dieđit rievdadusaid:
Dus lea ovddasvástádus dieđihit jus leat rievdadusat dieđuide maid leat addán ohcamuša oktavuođas. Gozit álot ahte viessobáŋkku lea dahkkán mearrádusa rievttes dieđuid vuođul.

Váidit mearrádusa:
Jus don oaivvildat ahte viessobáŋkku lea dahkan boastu mearrádusa, de sáhtát váidit mearrádusa ovdal 3 vahkku lea gollan dan rájes go mearrádus joavddai dutnje. Deaddil dákko váidit mearrádusa.

Eanet dieđut:
Don gávnnat eanet dieđuid ássandoarjaga birra viessobáŋkko neahttasiiddus: husbanken.no. Don sáhtát maid váldit oktavuođa suohkanin/NAV`ain, gulahallanolbmo bokte: Tone-Lise Ballovara Mikkelsen, tlf nummar: 55 55 33 33 / 41 27 58 28. Son bagadallá ja veahkeha.

Njuolggadusat:

https://www.husbanken.no/bostotte/kommune/veiledere/hb-9b12-veileder-i-regelverk-for-bostotte/
 

Gos lea Gáivuona suohkana ássandoarjjakantuvrra?
Ássandoarjjakantuvrra lea ráđđeviesus Gáivuona suohkanis. Čujuhus lea: Øverveien 2, 9146 Olderdalen. Váldde oktavuođa NAV kantuvrrain suohkanviesus tel. 55 55 33 33 / 41 27 58 28