Dat ođđa ofelaččat leat: Elle Rávdná Näkkäläjärvi (19), Guovdageainnus eret, Mirja Cicilia Andersson Renander (18), Nerskogenis eret, Lemet Johanas Nystad (21) Kárášjogas eret ja Vibeke Persen (21), Deanus eret.
Mun illudan boahtit johtui ofelašjagiin ja lean gearggus buot hástalusaide, dadjá ođđa ofelaš Vibeke Persen duđavaččat.
Sámi allaskuvlla rektor, Laila Susanne Vars geigii guvssiid skeaŋkkan allaskuvlla bealis ođđa ofelaččaide. Dalle leat ođđa ofelaččat gergosat muitalit sámi kultuvrra birra go gáfestallet.
Sámi allaskuvla lea hui rámis go beassat fas almmuhit njealje ođđa sámi nuora geat leat válljejuvvon ovddastit ofelašdoaimma. Ofelaččat oahpahit nuoraide miehtá riika sápmelaččaid birra, sámi servodaga ja sámi kultuvrra birra. Eambbo máhttu eastada ovdagáttuid, vaššicealkámušaid ja cielaheami. Sis lea dehálaš bargu ja sámi allaskuvla lágida doaimma ja fuolaha ahte sii sáhttet čađahit sin barggu buoremus lági mielde, vaikko pandemiija áin váikkuha min servodaga ja sáhttá maid váikkuhit ofelaččaid árgabeaivvi, lohká Sámi allaskuvla rektor Laila Susanne Vars.
Máhttodepartemeantta stáhtačálli Anja Johansen dadjá Sámi ofelašdoaibma lea dehálaš.
Sámit lea oassin Norggas lea dehálaš ahte Norgga nuorat ožžot máhtu sápmelaččaid birra ja sámi kultuvrra birra vai sáhttit eastadit ovdagáttuid ja negatiiva guottuid, dadjá Máhttodepartemeantta stáhtačálli. Son doalai sártni ofelašalmmuheamis.
Sámi allaskuvla doaimmaha Sámi ofelaččaid ja Gieldda- ja ođasmahttindepartemeanta (KMD) ruhtada doaimma. Ofelaččat čađahit oahpu “Samisk kultur- og samfunnskunnskap” Sámi allaskuvllas. Dasto mátkkoštišgohtet joatkkaskuvllaide ja eará nuoraiddeaivvademiide olles Norggas. Sin váldoulbmil lea muitalit sámi kultuvrra ja servodaga birra eará nuoraide Norggas.
Jos háliidat jearahallamiid, váldde oktavuođa daid ođđa sámi ofaččaiguin
Elle Rávdná Näkkäläjärvi (941 89 499), Mirja Cicilia Andersson Renander (414 61 459), Lemet Johanas Nystad (908 11 204), Vibeke Persen (941 80 433)
Eanet dieđut:
Lena Susanne Gaup, Ráđđeaddi , Sámi allaskuvla, tlf +47 466 28 496
Eva Måsø, Ráđđeaddi, Sámi allaskuvla tlf +47 975 60 589
Laila Susanne Vars, Rektor, Sámi allaskuvla tlf +47 453 97 700
