Gáivuona suohkan lea 2016 čađahan hábmen ja háddegilvvu hahkat ođđa dearvvášvuođa- fuolahusguovddáža suohkanii. Skanska Husfabrikken vuitti gilvvu ja lea čađahuvvon gulahallanáigodat 2016 čavčča ja ovdaprošeavttarápporta buktui 2017 giđa.
Politihkkalaš meannudeapmi áššis
Ovdagoddi mearridii áššis 44/17 álggahit soahpamuššiehtadallamiid ođđa dearvvášvuođa- ja fuolahusguovddážii suohkanii. Regulerenplána guvlui lea mearriduvvodon suohkanstivraáššis 20/16. Geassemánu 11. B dan jagi julluduvvui suohkanii Viessobáŋkkus/Husbaken gitta ruvnno 77 405 000,- cegget buohcciruovttusajiid, beaiveguovddáža ja fuolahusorohagaid. Daidda eara funkšuvnnaide nugo doavttirkontuvrii, dearvvášvuođaguovddážii ja kontuvraarealaide ii juollut Viessobáŋku doarjjaga
Ovdagoddi dohkkehii áššis 44/17 lásihit gollovárdusa guovddážii 241 millijuvvnna ruvvnos gitta 256,8 millijuvnna ruvdnui. Mearrádus dahkui Suohkanlága § 13 vuođul. Mearriduvvui maid ahte huksenlávdegoddi galget dollat čoahkkimat davja prošeakta álggahuvvo.
Álggahan proseassa birra
Gáivuona suohkan lea čađahan šiehtadallamiid entreprenevrain Skanska Husfabrikken AS vai beassat čállit šiehtadusa gaskkal Gáivuona suohkana ja Skanska.
Suohkan lea atna WSP prosessas sihkarasttin dihte kontinuitehta ja kvalitehta proseassas, ja dasa maid gullat doalahit prošeaktagoluid unnimus dásis. Gunn Andersen, Doaibma- ja ovdánahttinhoavda, lea suohkana huksenhearraovdasteaddji prošeavttas hukset ođđa guovddáža dearvvašvuođa ja fuolahusbálvalusaide. Trond Skotvold, fuolahus ovttadatjođiheaddji, lea ovttas Anderseniin suohkana ovdasteaddjit guovddáš ceggema oktavuođas, ja sus lea maid fagálaš sisdoallu (dearvvašvuođa- ja fuolahusbálvalusat mat galget fállojuvvot guovddážis) váldooassin prošeavttas, ja maid gulahallan Ungboain.
Sátnejođiheaddji Svein O. Leiros ja ráđđeolmmái Einar Pedersen oažžuba jeavddálaččat dieđuid proseassas ja šiehtadallamin, ja dalle earenoamažit ekonomlaš hástalusaiguin.
Ovdaneapmi ja luodda viidaseabbut
Skanska Husfabrikken AS lea oppalašentreprenevra huksemis suohkana ođđa guovddáža dearvvašvuođa ja fuolla. Sii barget dal detaljaprošeakteremin ja galget buktit rámmaohcama ceggemii. Vuođđobarggut álggahuvvojit gaskamuddus golggotmánu dan jagi.
Dat ođđa guovddáš dearvvašvuhtii ja fuollii galga ovdananplána vuođul geigejuvvot suohkanii juovlamánu 20. b 2018.
