Kultuvra ja astoáigi

Mii dovdat Gáivuona suohkana Romssa kultursuohkanin ja dáru, kvena ja sámi gielaid ja kultuvrraid deaivvadeamit leat guovddážis Gáivuona kultuvrras. Mii háliidit ain doalahit kultursuohkan stáhtusa, ja danin lea minsiidda dehálaš ovddidit kultuvrra ja gaskkustit dan boahttevaš buolvvaide. Spoahkkanjárgga riddoladnerusttet Čietnjalluovttas lea okta dain guovlluin man mii háliidit čalmmustahttit.

Kultuvra ja astoáiggi ossodat lea vuoruhan mánáid ja nuoraid, ja Gáivuotna lea okta dain hárve suohkaniin Romssas mas nuoraidráđđi lea doaibman botketkeahttá 1995 rájis. Nuorat leat ožžon stuora váikkuhan vejolašvuohta suohkanstivrras politihkalaččat mearriduvvon mielváikkuhan ortnegiid bokte.

2011 šattai Gáivuotna dan jagi mánáid- ja nuoraidsuohkan
Mis lea joavkkut, searvvit ja organisašuvnnat main leat ollu doaimmat mat ovddidit kultuvrra, valáštallama ja astoáiggi doaimmaid mánáide, nuoraide, rávesolbmuide ja vuorrasiidda. Suohkanis leat iešguđetlágán kultursuorggi doarjjaortnegiidda guoski njuolggadusat. Dása gullet e.e. kulturdoarjagat ja gárrenvuođaeasttadeaddji ortnegat. Juohke nuppi jagi mii juohkit Kultuvra- ja Eaktodáhtolašvuođa bálkkašumi.  

Kulturkonsuleanta
Kulturkonsuleanta galgá ovddidit suohkana kulturdoaimmaid. Son galgá álggahit doaimmaid ja maid láidestit ja ovttasbargat joavkkuiguin ja servviiguin, ja iežá suohkana ossodagaiguin ja muđui iežá ovttasbargoguimmiiguin, sihke suohkanis ja eará guovlluin. Konsuleantta meannuda áššiid dáin surggiin: kultuvra, nuoraidráđđi, mánáid suohkanstivra, nuoraidklubba ja son lea maid oktavuođaolmmoš Romssa Fylkkamánni “Čiežamiillalávkki” nammasaš doaimmas.

Kulturkonsuleantta ovddasvástádus lea maid hálddašit suohkana doarjjaortnegiid mat lea čatnon kultuvrii, nuoraide, valáštallamii ja rusttegiidda, ja maid rávvet doarjjaohcciid. Ja maid čuovvulit kultursuorgái guoski politihkalaš mearrádusaid. Dán virggi gullá mánáidovddasteaddji plána- ja huksenlága Riikkapolitihkalaš njuolggadusaid mielde.  

Oktavuođadieđut
Mikaela Reinikainen, Kulturkonsuleanta , Doaibma- ja ovdánahttinossodat
Tel. 77 71 92 52
mikaela.reinikainen@kafjord.kommune.no

Go válddát oktavuođa ohcamušaid ja áššiid meannudeami birra, bivdit mii ahte don maid sáddet e-boastta kopiija dán čujuhussii: postmottak@kafjord.kommune.no nu ahte buot áššái guoski dieđut ja čálašeapmi vurkejuvvo

Doarjjaortnegat
Gáivuona suohkan juohká jahkásaččat kulturdoarjagiid. Mii galgat ođasmahttit njuolggadusaid 2014, ja almmuhit jus šaddet nuppástuhttimat.

Nuoraidráđđi juolluda ruđaid gárrenvuođaeasttadeaddji doaimmaide ohcamušaid vuođul.

Juohke nuppi jagi mii juohkit 5.000 ruvdnosaš kulturbálkkašumi. Juohke nuppi jagi lea Eaktodáhtolašvuođa bálkkašumi juohkin ja 5.000 ruvdnosaš vuoitosubmi ovddas ferte gávppašit soames suohkana duodjeviesuin. Dán bálkkašumi njuolggadusat sáhttet rievdat 2014.

Eaktun gait doarjagiid ja bálkkašumiid juohkimii lea ahte gávdnu ruhta dasa bušeahtas.