Nuoraid oktavuođaolmmoš lea ođđa prošeaktavirgi nuoraide gaskal 13 – 23 jagi. Nuoraid oktavuođaolmmoš galgá lágidit ja áŋgiruššat buriid nuoraiddeaivvadanbáikkiid ásahit.  

Nuoraid oktavuođaolmmoš galgá váldit vára nuoraid, ja galgá ovddimužžan leat nuoraid váras doppe gos nuorat leat. Nuoraid oktavuođaolmmoš galgá maid leat gaskkusteaddji/oktavuođaolmmoš jus soapmásat dárbbašit veahki gárrenmirkogeavaheami, psyhkalaš váttisvuođaid dahje dearvvašvuođadikšu olis. Nuoraid oktavuođaolbmos lea jávohisvuođageatnegasvuohta, muhto sus lea maid geatnegasvuohta dieđihit viiddaseabbot, seammá ládje go iežá dearvvašvuođabargiin ge leat.

Nuoraid oktavuođaolmmoš galgá láhčit dili ođđa doaimmaide ovttasbarggus nuoraiguin. Lea go dus buorre idea dahje sávaldat suohtas doibmii? Dahje siđašit go dušše sárdnut geainna nu? Váldde fal oktavuođa! Doaimmaid ovdamearkkat sáhttet leat omd. rockebádji, DJ-gursa, hip-hop-gursa, lávlun, rap, dánsun, sárgun, slám-poesiija, málen, diktačállin. Mii sávvat gait ideaid bures boahtima, de mii gávnnahit ovttasráđiid mo sáhttit daid čađahit!

Nuoraid oktavuođaolbmos lea kantuvra Ráđđeviesu 3.geardde, muhto lea maid nuoraidčoahkkananbáikkiin. Čáŋa fal! Lea áibbas nuvttá.

Váldde oktavuođa:
Stian Pedersen
stian.pedersen@kafjord.kommune.no
+47 468 87 741

Facebook: Ungdomskontakten - Kåfjord Kommune
​Snapchat: kaafjordung