Kártadoaimmahat lea mearridan čállinvuogi ollu báikenamaide Gáivuona suohkanis. Gáivuona suohkan lea mearridan čállinvuogi guovtt báikenammii: Ulkuranta - gilinamma ja Haugen - oassi čoahkkebáikkis.

Báikenammalága § 12 vuođul lea báikkálaš organisašuvnnain main lea gullevašvuohta mearriduvvon namaide vuoigatvuohta váidit mearrádusa. Almmolaš ásahusain ja doaimmain, mat gártet geavahit namaid doaimmaineaset, lea maiddai váidinvuoigatvuohta. Lea vejolaš váidit dušše čállinvuohkemearrádusa. Sis geas lea váidinriekti lea maiddai riekti oaidnit áššebáhpáriid. Vejolaš lea ohcat maŋidit bidjat nama fápmui dássážii go váidináigi lea nohkan dahje váidagat leat gieđahallojuvvon.

Ákkastallojuvvon váidagat gilinamaide sáddejuvvojit Gáivuona suohkanii, PB 74, 9148 Dálusvággi dahje e-poastta bokte post@kafjord.kommune.no. Eará váidagat sáddejuvvojit Kártadoaimmahahkii, PB 600 Sentrum, 3507 Hønefoss dahje e-poastta bokte post@kartverket.no ja kopiija Gáivuona suohkanii ovdal cuoŋománu 20.beaivvi. Váidinvuođuštus ferte gieđahallat buot namaid dahje nammaosiid mat gusket váidagii.

Jus leat jearaldagat, váldde oktavuođa Inger M. Åsli, tlf. 77719232 dahje inger.marie.asli@kafjord.kommune.no

Kártadoaimmahaga reivve pdf, 151 kB.
Kártadoaimmahaga nammalisttu pdf, 198 kB.
Gáivuona suohkan – mearriduvvon čállinvuogi docx, 2 MB.

Báikenammaláhka External link.
Láhkaásahus External link.
Lassinjuolggadusat dárogiel báikenamaid čállimii External link.