Davvisámegiela álgokursa Modul 2, 10 oč.

Giellasiida álggaha SAM-1041 Nordsamisk fra begynnernivå: Modul 2 nammasaš álgokurssa, mii lágiduvvo ovttasráđiid UiT Norgga árktalaš universitehtain, nu ahte lea vejolaš čađahit eksámena golggotmánus 2026.

Kursa lea ollesáigeoahppu mii bistá 4 vahku. Juohke gaskavahku kursavahkuid lea várrejuvvon lohkanbeaivin/ kollokviebeaivin. Dás beasat lohkat eanet kurssa birra: SAM-1041 | UiT External link..

Davvisámegiela álgokurssat leat juhkkojuvvon golmma 10 oahppočuoggá modulii, mat fállojuvvojit maŋŋálaga. Dán čavčča/ dálvvi lágida Giellasiida guokte kurssa, namalassii SAM-1041 (Modul 2) ja SAM-1042 (Modul 3) mat lágiduvvojit maŋŋálaga. Romssa universitehta Ohcanweb External link. bokte ohcá sisaváldima goappaš kurssaide.

FUOM: Kursa eaktuda ahte lea čađahan SAM-1040 Nordsamisk fra begynnernivå: Modul 1 dahje sullasačča, ovdamearkka dihte SAM-1034.

Lea maiddai vejolaš čađahit giellaiskkadeami Giellasiiddas mii dahkkojuvvo ovttasráđiid UiT:in vai beassat álgit kursii. Dáhtonat leat 3.6. bie. 13, 5.6 bie. 13, dahje 20.08 bie. 13. Šiehtat ovddalgihtii makkár dáhton heive dutnje. Giellaiskkadeapmi váldá vuolggasaji fáttáin mat oidnojit SAM-1040 (modul 1) “innhold External link.” vuolde.

Kursa álgá mánnodaga 21.9 bie. 12 (v. 39), ja bistá vahkuid 39, 40, 41, 42. Njálmmálaš eksámen lea v. 44.

Loga dáid dieđuid ovdal eksámenregistrerema: Ta UiT-eksamen – kursa oahpa no External link.

Jus áiggut váldit eksámena ja oažžut oahppočuoggáid, de ferte UiT Norgga árktalaš universitehta vuos leat dohkkehan du studeantan. Don ozat báikkálaš sisaváldima sierra fáttáide UiT ohcanweb bokte External link.. Ohcanáigemearri (goappaš kurssaide): Ohcanportála lea rabas áigodagas 20.07-09.08.26 ja ohcankoda lea 9199 - enkeltemner lavere grad (ikke realfag).

Attes fal maid dieđu Giellasiidii ahte álggát kursii ovdal 18.09.26

Dieđut kurssaid birra: giellasiida@kafjord.kommune.no