Dieđut ealáhus-, gelbbolašvuođa ja kulturovddideami prošeavtta birra Gáivuonas

Gáivuona suohkan oaččui jagi 2025 doarjaga sierra prošektii Romssa fylkkasuohkanis, doarjja addojuvvo suohkaniidda Romssas main leat erenomáš guovlohástalusat. Prošeavttaohcama bargonamma lea gelbbolašvuođa-, ealáhus ja kulturovddideapmi.

Ođasmahttojuvvon namma lea dál;

”Vejolašvuohta ahtanuššamii, dilli eallimii – Gáivuotna 2040”

Prošeavtta duogášjurdda lea álggahit ja čađahit doaimmaid mat buoridit ealáhusaid vejolašvuođaid ásahit eanet bargosajiid, orrunmovtta, ja dainna lágiin geasuhit gussiid Gáivutnii. Prošeakta galgá bistit 3,5 jagi cuoŋománu 2026 rájes gitta čakčamánu 2027 loahpageahčái.

Prošeavtta ulbmil lea váikkuhit servvodaga ja ealáhusaid buori ja ceavzilis ovdáneapmái, mainna servvodaga árvvutge buorránit, vai luonddu vuhtiiváldimatge nannejuvvojit.

Jurdda lea maid buoridit ovttasbarggu, šláddjiivuođa ja kultuvrra, ja eanet buvttihit olbmuid deaivvadansajiid.

Gáivuona suohkan háliida leat eanet aktiivvalaš ealáhusovddideami heiveheamis, ja bargat eanet konkrehtalaččat ealáhuseallimiin vai hábmet ovdáneami ja láhčit dili ássiid ja nuoraid loaktimii ja maiddai ealáhuseallimii.

Prošeavtta áŋgiruššanfáktorat bohtet suohkanoasseplána servodatoasis, strategalaš ealáhusplánas ja regionála ceavzilis ealáhusplánas. Prošeakta lea vuođđuduvvon Bygdevekstavtalen nammasaš šiehtadussii stáhtain ja čadnojuvvon Romssa fylkkasuohkana Tromsvekstavtalen nammasaš šiehtadussii. Oanehaččat sáhttá dahdjat ahte leat juhkkojuvvon golmma áŋgiruššanfáktoriidda:

1. Nannet árvoloktema mátkeealáhusas – ja vuođđoealáhusain
   

• Doarjut nuoraid ealáhusain
  
• Láhčit dili buolvamolsumii
  
• Nannet gelbbolašvuođa ja ovttasbarggu ealáhuseallimis SMB ovddideami ja Innovašuvnna Norgga bokte
  
• Ráhkadit plána ceavzilis guossehálddašeapmái
  
• Iskat vejolašvuođa ásahit oahpahusstipeandda nuoraide vuođđoealáhusain
• Iskat vejolašvuođaid báikkálaš biebmobuvttadeapmái
  

2. Sihkkarastit ja láhčit dili vai birrasa ja servoodaga gierdannávccat vuhtiiváldojuvvojit
   

• Loktet ealáhusaid gelbbolašvuođa nu ahte nagodit dustet boahtteáiggi mas sirkuláraekonomiija, birasreguleremat, ja sertifiseremat sihke sisriikkalaččat ja riikkaidgaskasaččat čavgojuvvojit
  
• Láhčit dili šaddanvejolašvuođaide nu ahte čuvvot Gáivuonservvodaga guoddinnávccaid
  
• Láhčit dili ruoná nuppástussii ealáhuseallimis. Doaimmahagat mat áŋgiruššet dan dahkat ožžot ovdamuni sihke bivnnut bargosadjin ja deaivvadanbaikin.
  
• Kurssat almmolaš fálaldagain suohkangaskasaš oastinkantuvrrain

3. Ovdaprošeakta; Iskat lea go álbmotallaskuvlla ásaheapmi mas eamiálbmotperspektiiva lea guovddážis gos ceavzilvuohta, biras, sirkulára ekonomiija ja sosiála ja kultuvrralaš bargu maiddai vuhtiiváldojuvvo.
   

• Iskat doaibmamodeallaid, lokašuvnnain ja geavaheaddjivuođuid
• Iskat álbmotallaskuvlla struktuvrraid ja sisdoalu eanet konkrehtalaččat
  

Prošeavtta doaibmamálle:

Prošeavtta oamasteaddji: Gáivuona suohkan

Prošeaktaovddasvástideaddji: Gunn Andersen, suohkandirektevra

Prošeaktajođiheaddji: Birger Olsen

Stivrajoavku: Ealáhusstivra

Referánsajoavkkut

Ealáhuseallimat, nuorra ássit, báikkálaš joavkkut ja searvvit, gelbbolašvuođabirrasat, ránnjásuohkanat, ruđalaš ja bagadeaddji aktevrrat, ja nu maiddai almmolaš ja priváhta aktevrrat.

Ovttasbargoguoimmit

Romssa fylkkasuohkan, Siellakvuona ja Loabaga suohkan, Innovašuvdna Norga, Visit Lyngenfjord, Frivilligheten, Campus Nord- Troms, Arena Nord Troms, Halti Næringshage jnv.